Tumores: mètodu nou pro ochìere sas tzèllulas malàidas

de Lisandru Beccu

Deretos wired.it. Url imàgine

Su dotzente Matthew Gdovin, professore assotziadu de su dipartimentu de biologia de s'University of Texas, at brevetadu unu sistema nou pro ochìere sas tzèllulas tumorales. Su protzedimentu, a su chi narat su Journal of Clinical Oncology, s’ativat inietende su nitrobenzaldèide in su tumore e posca esponende·lu a unu flussu de lughe.

Sossu-Tàtari-S'Alighera dae oe cun sos trenos noos

de Lisandru Beccu

A pustis de oto meses de collàudos, sos trenos noos de sa Stadler, oe, ant mòvidu sos primos passos in sa lìnia ferrada intre S'Alighera e sa tzitade turritana. Sa flota de bator trenos prus pràticos, prus còmodos e prus seguros, at a sostituire sas automotritzes betzas ADe e ADm chi sunt in atividade dae prus de 60 annos.

Sas noas imbetzes, fabricadas in Isvìtzera, sunt biancas e rujas, tenent duos motores diesel Cummins de 6 litros cadauna e sa trasmissione diesel-elètrica. Nche podent cròmpere finas a 120 km/h de velotzidade e podent trasportare 186 passegeris.

Su biàgiu inaugurale est mòvidu custu mesudie conca a sa tzitade marina e est duradu pagu prus o mancu 35 minutos.

Sa majoria parlamentare laburista isfidùtziat a Corbyn. Jeremy su ruju: «No apo a traìghere iscritos e sustenidores»

de Màuru Piredda

 

Deretos Momentum. Url imàgine

 

Sa majoria de su grupu parlamentare de su Partidu laburista (172 deputados contra a 40) at isfidutziadu a Jeremy Corbyn, su presidente eletu in s'istiu coladu a pustis de sas primàrias. Sos blairistas, chi dae cussa cumpetitzione nde fiant essidos a manos iscutas, no ant mai reconnotu sa furriada a manca proposta dae su sutzessore de Ed Miliband. Ant proadu a l'atacare finamentas a pustis de sas eletziones locales, nointamen b'apat àpidu unu resurtu bonu de su Labour. Petzi como, a pustis de sa Brexit, sunt resèssidos a corfare sa ghia sotzialista.

Brexit: su parlamentu europeu votat a favore de sa separatzione

de Lisandru Beccu

Deretos lìberos

Su parlamentu europeu at rechestu a su Rennu Unidu de ativare deretu su protzedimentu pro sa separatzione dae s'Unione europea. S'assemblea, cun 395 votos a favore e 200 contràrios, at aprovadu una risolutzione chi pedit a su primu ministru David Cameron de aplicare s'artìculu 50 de su tratadu de Lisbona, pro ativare s'essida dae s'Ue.

Sa faina est inevitàbile pro tutelare s'integridade de s'Unione e pro non nch'intrare in una fase de intzertesa. In àula b'at àpidu momentos de tensione cando sunt intervènnidos su presidente Jean-Claude Juncker e s'èuro-deputadu britànnicu Nigel Farage.

Itàlia e Islanda a sos cuartos. Ispagna e Inghilterra a domo

de Màuro Piredda

Incarca subra de s'imàgine pro l'ismanniare

S'Inghilterra nch'essit duas bias dae s'Europa e s'Ispagna (torra inguvernabile?) no agatat tzertesas in su fùbalu. Sas partidas de eris las ant bìnchidas s'Islanda e s'Itàlia chi, gasi, nche crompent a sos cuartos in pare cun Frantza, Germània, Galles, Bèlgiu, Polònia e Portugallu.
Sos inglesos, nointamen su vantàgiu de Rooney (dae sos 11 metros), ant pigadu duos gol: Ragnar Sigurdsson at signadu a pustis de duos minutos; Sigthorsson a su de 19. 2-0 pro s'Itàlia cun Chiellini e Pellè.

Eletziones in Ispagna. Torrat a bìnchere su Pp. Unidos podemos non nche colat su Psoe. Grandu coalitzione?

de Màuru Piredda

Incarca subra de s'imàgine pro l'ismanniare

Chida de votatziones, sa chi nch'est in pessu colada. In su Regnu unidu su 52% de sos chi ant votadu at naradu chi emmo a s'essida de su paisu dae s'Unione europea a pustis de 43 annos (aiat aderidu su 1° de ghennàrgiu de su 1973). Su referendum non fiat vinculante e como amus a bìdere comente s'at a isvilupare sa chistione dae prus de unu puntu de vista: tocat de bìdere comente, dae como in susu, ant a èssere sas relatziones intre sa burghesia albiònica e sa teutònica; e tocat de bìdere sas relatziones intre sas diferentes natziones inguarnissadas in intro de sa Union jack. S'Iscòtzia (cando bi fiat su referendum indipendentista su Snp non chistionaiat de s'essida dae sa Nato), cheret abarrare in s'Ue. E gasi etotu s'Irlanda de su nord. A bìdere istemus. In s'ìnteri b'at àpidu votatziones in un'àteru paisu pluri-natzionale: s'Ispagna.

Frantza, Germània e Bèlgiu bolant a sos cuartos. Oe Itàlia-Ispagna e Inghilterra-Islanda

de Màuru Piredda

Incarca subra de s'imàgine pro l'ismanniare

  

Frantza, Germània e Bèlgiu bolant a sos cuartos a pustis de sas partidas de eris contra a s'Irlanda, a s'Islovàchia e a s'Ungheria. Sos frantzesos, vitoriosos gràtzias a duos gol de Griezmann (sos aversàrios fiant in vantàgiu dae su segundu mimutu cun Brady), ant a giogare su 3 de trìulas contra a sa chi at bìnchere su disafiu intre Inghilterra e Islanda. Boateng, Gomez e Draxler sunt imbetzes sos marcadores tedescos. Islovàchia pagu atzuda ma agigu malassortada: Özil s'at faddidu unu rigore. Chie at a giogare contra a sos panzer? Sos ispagnolos o sos italianos? Grandu proa de su Bèlgiu (aversàriu imbeniente de su Galles). Bator sos gol signados dae Alderweireld, Batshuayi, Hazard e Carrasco.

Polònia, Portugallu e Galles a sos cuartos, oe àteros tres disafios

de Màuru Piredda

Incarca subra de s'imàgine pro l'ismanniare

Sos otavos de finale de sos europeos frantzesos sunt comintzados eris cun tres partidas. 1-1 su disafiu intre Isvìtzera e Polònia a pustis de 90 minutos regulares e de àteros 30 suplementares. Gol de Błaszczykowski pro sos polacos a su de 39; parègiu elvèticu cun Shaqiri a su de 82. Bi sunt chertos sos rigores.

Brexit, sas cunsighèntzias in Iscòtzia, Irlanda de su nord, Gibilterra. E sos traballadores?

de Màuru Piredda 

Deretos localrights.org. Url imàgine

A pustis de su votu britànnicu subra de s'essida dae s'Unione europea (su 52% s'est espressadu pro su brexit), àteras chistiones si sunt pesende in duos chirros de s'artzipèlagu britànnicu. In Iscòtzia, ue su 62% at votadu pro nch'abarrare in s'Ue, su primu ministru Nicola Sturgeon at nâdu chi b'at a èssere unu referendum nou pro s'indipendèntzia: «Custu votu - at annantu - nos acrarit chi su pòpulu de s'Iscòtzia nche bidet su venidore suo comente parte de s'Unione».

Su tzinìberu. Àrbore chi nos marcat s’esistèntzia, s’istripile e s’identidade

de Maurìtziu Sale

Tzinìberu in su trèmene conca a mare. Còdula de Fùili. Marina de Durgali.

Sena colare dae sa prosa a sa poesia, sena chi nos bincat sa retòrica, sena èssere romànticos o durches che melàrgiu, podimus èssere amigos de su padente, rispetare·lu e istimare·lu comente chi siat parte nostra. Costadu, carena, coro, fìgadu o sàmbene matessi.

Unu ghiniberàrgiu est semper unu ghiniberàrgiu e unu tzinìberu est semper unu tzinìberu. Àrbores tòricos e nervudos, nòbiles e cun un’àmbriu millenàriu, belle fòssile. Podimus abbaidare e pensare a unu ghiniberàrgiu comente a unu  muntone de carasos antigos, cròmpidos dae baddu cale sumana. Fortes, malos a ispèrdere, asimètricos, trogigados, durches e marigosos a unu, nuscosos e fintzas mortos, forsis. Ma mai estintos.

Grupu E, s'Irlanda vitoriosa contra a s'Itàlia conchistat sos otavos. Biaitos e dimònios rujos a 6 puntos

de Màuru Piredda

Incarca subra de s'imàgine pro l'ismanniare

Cun sas partidas de oe est concruida sa fase de cualificatzione chi at bidu 24 natzionales cunfrontende·si in 6 girones. Pro su chi pertocat su grupu E b'at àpidu duos 0-1. E ambas retes pagu prus o mancu a sos chimbe minutos dae su de 90. S'irlandesu Brady, cun sa conca, at signadu contra a s'Itàlia lassende su thiniscolesu Sirigu a manos iscutas. Sos pitzocos birdes si cualificant a sos otavos. Nainggolan imbetzes est su marcadore de su Bèlgiu contra a s'Isvètzia.

In su girone F s'Ungheria e s'Islanda cumandant sa classìfica a 5 puntos

de Lisandru Beccu

Incarca subra de s'imàgine pro l'ismanniare

In sos minutos de recùperu s'Islanda conchistat sa vitòria chi li permitit de si cualificare a su turnu imbeniente. Bodvarsson nche giughet in vantàgiu sos suos a su de 18 minutos, ma bi pensat Schopf a paregiare sos contos a su de 60 minutos. Sa partida pariat cundennada a acabbare cun unu parègiu, ma sos isulanos, a su de 94 minutos, movent in contratacu e nche marcant su gol de sos tres puntos cun Traustason.

Su Portogallu imbetzes otenet su de tres parègios a fila a pare, ma recùperat a Cristiano Ronaldo chi, in sas ùrtimas partidas, fiat agigu in umbra. S'Ungheria cumintzat bene e a su de 19 minutos nche marcat su vantàgiu gràtzias a su mànchinu de Gera. Su parègiu lusitanu arribat cun Nani in antis de sa pàusa. In su segundu tempus est torra s'Ungheria a paregiare cun unu tiru lìberu de Dzsudzsák chi corfat a sa barriera e nch'intrat a porta. Su Portogallu torrat a paregiare e custa borta bi pensat Ronaldo cun unu bellu corfu de tacu. S'àteru gol de Dzsudzsák arribat a su de 54 minutos, ma non serbit a nudda ca Ronaldo torrat a paregiare a su de 62 minutos cun unu corfu de conca. Acabbat 3-3.

Su 2016 est s'annu internatzionale de sos legùmenes

de Lisandru Beccu

S'Organizatzione de sas natziones unidas at proclamadu su 2016 comente annu internatzionale de sos legùmenes cun su ditzu “Sèmenes nutrientes pro unu benidore sustenìbile”.

Grupu D, s'Ispagna perdet e si prenotat su disafiu de sos otavos contra a s'Itàlia

de Màuru Piredda

Incarca subra de s'imàgine pro l'ismanniare

Nointamen su vantàgiu ispagnolu (a su de 7 minutos cun Morata), sa Croàtzia est resèssida a bìnchere crompende·nche a 7 puntos. Pro sos islavos ant signadu Nikola Kalinic in s'acabbu de su primu tempus e Perisic a su de 87 minutos. S'Ispagna, segunda, at a disafiare s'Itàlia in sos otavos. 0-2 su resurtu intre Repùblica Tzega e Turchia. Anatòlicos in gol cun Yilmaz a su de 10 minutos e cun Tufan a su de 65.

Germània e Polònia torrant a bìnchere crompende·nche a 7. Derrota Ucraina, peruna cualificatzione

de Màuru Piredda

Incarca subra de s'imàgine pro l'ismanniare

Sos duos disafios chi ant serradu su girone de cualificatzione de su grupu C los ant bìnchidos sa Germània (contra a sos nord-irlandesos) e sa Polònia (contra a s'Ucraina). Ambas partidas cun su resurtu de 1-0. Pro sos tedescos at signadu Mario Gomez a su de 29 minutos; pro sos polacos Blaszczykowski a su de 54. Nointamen sos sete puntos pro ambas natzionales, sa Germània nch'est in su cùcuru de sa classìfica gràtzias a sa mègius diferèntzia gol.

Rùssia a domo, Galles prima natzionale de su grupu B

de Màuru Piredda

Incarca subra de s'imàgine pro l'ismanniare

Domìniu britànnicu in su grupu B, ma est su Galles a ghiare sa classìfica. Nointamen sa derrota contra a sos lacanàrgios inglesos, sos dragones ant torradu a bìnchere oe conchistende unu totale de 6 puntos. Tres sos gol signados contra a sa Rùssia, duos in primu tempus (cun Ramsey e Taylor) e unu in su segundu (cun Bale). Rùssia a domo cun su peus puntègiu (1) e sa peus diferèntzia gol. S'àtera partida, intre Inghilterra e Islovàchia, est acabbada cun unu 0-0 sicu. Ambas cualificadas, in pare cun su Galles, a sos otavos.

Àteru corfu de su Casteddu, arribat Padoin

de Lisandru Beccu

Deretos fanpage.it. Url imàgine

Su Casteddu non perdet tempus e a bellu a bellu aprontat s'iscuadra pro s'istajone imbeniente. S'ùrtimu achistu in òrdine de tempus est Simone Padoin dae sa Juventus. Su giogadore friulanu at firmadu unu cuntratu chi l'at a ligare a sos sardos pro tres annos. Su costu de s'operatzione, a su chi s'ischit, est intre s'unu e sos duos milliones de èuros. Su giogadore imbetzes at a leare dae sos 700mìgia a sos 900mìgia èuros s'annu.

Padoin in sos ùrtimos annos, cun sa màllia biancu-niedda, at bìnchidu chimbe campionados italianos, tres supercopas italianas e duas copas Itàlia. In sos annos colados at bestidu fintzas sas màllias de su Vicenza e de s'Atalanta. Est unu giogadore chi s'agatat ghetu, pagu prus o mancu, in cale si siat rolu, siat in defensa e siat in tzentrucampu e at a batire una bona dose de esperièntzia pro s'iscuadra de Rastelli.

Isvìtzera e Frantza sena gol, Albania a su de tres postos e Romania ùrtima

de Lisandru Beccu

Incarca subra de s'imàgine pro l'ismanniare

Oe est cumintzadu s'ùrtimu turnu de su girone, cun su grupu A chi at abertu sas dantzas. Sa Frantza, contra a sos fradiles isvìtzeros no est andada prus a dae in antis de su 0-0. Ambas sas iscuadras, tantu, teniant giai sa cualificatzione in butzaca. Sas àbbilas balcànicas, imbetzes, ant bìnchidu 1-0 contra a sa Romania, resessende a conchistare su de tres postos in su girone. S'Albania nche colat in vantàgiu a s'acabbu de su primu tempus gràtzias a s'incorrada de Sadiku chi aprofitat de unu passàgiu traessu de Memushaj.

Isetende su Giru de Frantza. Fàbiu Aru che a semper meru meru, ma beru e sintzeru

de Maurìtziu Sale

Deretos time.kz  URL imàgine

Antonio Ramòn Prieto Navarro, publitzista de sa testada ispagnola indipendente La biela libre s’at gastadu unos cantos agetivos e faeddos a bolu pro descrìere su curridore sardu, intzertende·los belle totus.  «Así es Aru, coraginoso, atacante, valiente, sufridor. Un auténtico caballo de carreras desbocado. Le llaman el Cavaliere dei quattro mori. Bien podría ser de quattro morti, por que muere, respira, vuelve a morir y puede hacerlo 10 veces hasta cruzar la meta».

Segundu giru de su grupu F cun duos parègios

de Màuru Piredda

Incarca subra de s'imàgine pro l'ismanniare

Duos parègios serrant su segundu giru de disafios de su grupu F. 1-1 intre Islanda e Ungheria. Sos nòrdicos ant marcadu su vantàgiu issoro a su de 40 minutos cun Sigurdsson, ma sos magiaros lis ant impedidu su sorpassu in classìfica signende a su de 88 (autogol de Saevarsson). Ungheria a 4 puntos e possibilidades mannas de si cualificare a sos otavos. 0-0 intre Portugallu e Àustria. Lusitanos perigulosos pro totu sa partida: Ronaldo (dae sos 11 metros) e Nani ant corfadu su palu.

Grupu E, su Bèlgiu balàngiat tres puntos

de Màuru Piredda

Incarca subra de s'imàgine pro l'ismanniare

Sa natzionale belga at bìnchidu sa prima partida sua de sos europeos de Frantza. A pustis de sa derrota contra a s'Itàlia, sos 11 de Wilmots nch'ant tzacadu tres botzas in sa porta irlandesa. Sos gol de sos dimònios rujos in su segundu tempus. Marcadores Lukaku (a su de 48 minutos e a su de 70) e Witsel (a su de 61).

3 gol a sa Turchia, Ispagna a sos otavos. 2-2 intre Repùblica Tzega e Croàtzia

de Màuru Piredda

Incarca subra de s'imàgine pro l'ismanniare

Puntègiu prenu pro sas fùrias rujas. Sos ispagnolos ant bìnchdu 3-0 contra a una Turchia oramai cundennada a si nche torrare a Anatòlia a pustis de su disafiu de martis chi benit contra a sa Repùblica tzega (chi oe at paregiadu 2-2 cun sa Croàtzia). Duas sas retes ibèricas in su primu tempus: a su de 34 minutos cun Morata e a su de 37 cun Nolito. Babacan atzantaradu in giru de tres minutos. Su de tres gol in su segundu tempus, a bator minutos dae su comintzu: Morata, serbidu dae Alba, realizat sa prima dopieta de s'europeu.

«A primu sa Grandu Bretagna!». Sa dibata intre Brexit o Bremain infusta dae su sàmbene

de Màuru Piredda

Deretos belfasttelegraph. Url imàgine

Jo Cox, parlamentare laburista e ativista de sos deretos umanos, mescamente in contu de migrantes, aiat 41 annos. L'ant morta eris a istocadas e a corfos de pistola cando chi fiat oviende sos eletores suos. L'at morta un òmine 11 annos prus mannu, Tommy Mair. L'at morta narende «Britain first!», a boghes. In sa rete  b'agatamus de totu, finamentas s'ipòtesi complotista de sa morte cajonada pro favorèssere sos chi, che a Cox, nche cherent abarrare in Europa. Intre sa lògica de su “cui prodest”, finamentas carchi giornale italianu «Tres corfos de pistola - gasi su de Sallusti - contra a una fèmina sarbant a s'Europa». E galu: «Deputada inglesa pro Ue morta dae unu macu». Unu macu, nât chi. Unu macu chi in domo teniat libros nazistas. Pagu prus o mancu che a su chi su Giornale at frunidu a sos letores suos pagas dies a como.

Protesta de sos pastores in Casteddu cun berbeghes e tratores

de Lisandru Beccu

Deretos Ansa. Url imàgine

B'at acudidu pagu prus o mancu 3.500 pessones a sas istruturas de sa fiera campionària de Casteddu pro sa manifestatzione de sa Coldiretti. Fiat presente fintzas carchi sìndigu e su presidente de sa Regione Frantziscu Pìgliaru.

Sa protesta est nàschida a cajone de sa mèngua de su 30% de su preju de su late. Àtera chistione pertocaiat sa tutela de sos produtos caseàrios de sa traditzione sarda a pustis de su fallimentu de s'indùstria.

Sos pastores si nche sunt presentados a fiotu fintzas cun tratores e berbeghes e ant pesadu una polivalente pro ammustrare a totus sa preparatzione de su casu. In s'àrea fierìstica b'aiat unu tretu fintzas pro ammustrare sas novidades de s'innovatzione, sa re-cunversione industriale e de sos sistemas de recùperu de sos iscartos de s'agricultura e de s'allevamentu.

Éder nche giughet s'Itàlia a sos otavos. Cras Bèlgiu contra a Irlanda

de Màuru Piredda

Incarca subra de s'imàgine pro l'ismanniare

B'at chertu 88 minutos pro nche pònnere in sa rete sa botza de sa vitòria. Éder, cun su pee destru, nche l'at tzacada serente a su segundu palu sena chi s'isvedesu Isaksson la poderet tènnere. Cun custa vitòria sos biaitos prenotant sa cualificatzione a sos otavos crompende·nche a 6 puntos. Cras su disafiu intre Bèlgiu e Irlanda.

Germània – Polònia sena gol: ambas a 4. Surra noa pro s'Ucraina

de Màuru Piredda

Incarca subra de s'imàgine pro l'ismanniare

S'Ucraina at torra pèrdidu. Duas sas retes de sos nord-irlandesos, ambas in su segundu tempus: a su de 49 minutos McAuley cun sa conca serbidu dae unu tiru traessu; a su de 94 cun McGinn a pustis de sa parada de Pyatov. Sena gol su disafiu intre Germània e Polònia, nointamen sas ocasiones chi ant tentu ambas sas iscuadras.

Grupu B, S'Inghilterra binchet contra a su Galles e conchistas su cùcuru de sa classìfica

de Màuru Piredda

Incarca subra de s'imàgine pro l'ismanniare

Vitòria in fase de recùperu pro s'Inghilterra. Su Galles colat in vantàgiu a su de 42 minutos cun Bale: tiru lìberu e su portieri Hart a manos iscutas. Su parègiu inglesu a 11 minutos dae su comintzu de su segundu tempus cun Vardy. A su de 91 su gol detzisivu cun Sturridge serbidu dae Alli: peruna ispera pro Hennessey. Gràtzias a custu resurtu s'Inghilterra conchistat su cùcuru de sa classìfica.

Grupu A, a su segundu giru sa Frantza nche crompet a 6 puntos

de Màuru Piredda

Incarca subra de s'imàgine pro l'ismanniare

1-1 su disafiu intre Romania e Isvìtzera. Vantàgiu de sos romenos a su de 18 minutos cun Stancu (dae sos 11 metros). Su gol elvèticu a su de 57 cun Mehmedi: tiru cun su pee mànchinu, Tatarusanu non bi crompet. A sero sa vitòria de sa Frantza: gol de Griezmann chi nch'at tzacadu sa botza in su cugione de sa porta aversària. In sa fase de recùperu su radòpiu de Payet.

C.a.m.p.o.s.: mùsica, poesia e ballos in Sabarussa

de Lisandru Beccu

Est totu prontu pro su primu addòbiu de C.a.m.p.o.s., su coordinamentu de sas artes musicales e poèticas de sa traditzione orale de Sardigna. Su corrale de sa crèsia de santu Gregòriu, in Sabarussa, dae su 18 a su 19 de làmpadas at a retzire cantos, poesias, ballos e sonos dae totu s'ìsula. Duas dies pro s'ispassiare e pro arresonare de cultura.

Sa Rùssia perdet su disafiu islavu de su grupu B contra a s'Islovàchia

de Màuru Piredda

Incarca subra de s'imàgine pro l'ismanniare

1-2. Est su resurtu de sa gara intre Rùssia e Islovàchia. Su vàntàgiu de sos òmines de Kozak Jan arribat a su de 32 minutos cun Weiss serbidu dae Hamsick. 13 minutos a pustis su tzentrucampista “napoletanu” marcat su 0-2 cun unu gol de galania rara. Sa Rùssia st signadu petzi a su de 80' minutos cun Glushakov. Primos tres puntos pro sos islavos otzidentales chi segudant a su Galles.

Grupu F, a concruos de su primu giru petzi s'Ungheria a tres puntos

de Màuru Piredda

Incarca subra de s'imàgine pro l'ismanniare

Cun duos gol, s'Ungheria at binchidu sa prima partida de su grupu F contra a s'Àustria. Szalai (a su de 62 minutos) e Stieber (a su de 87) sos marcadores magiaros. 1-1 su resurtu intre Portugallu e Islanda. Vantàgiu lusitanu a sos 30 minutos cun Nani. Su parègiu islandesu cun Bjarnason a su comintzu de su segundu tempus.

Grupu E. Parègiu intre Irlanda e Isvètzia. Vitòria italiana contra a su Bèlgiu

de Màuru Piredda

Incarca subra de s'imàgine pro l'ismanniare

A pustis de unu primu tempus sena perunu gol, s'Irlanda at mudadu s'andanta de sa partida a duos minutos dae su comintzu de su segundu. Gràtzias a unu tiru traessu de Coleman, dae manu dereta, Hoolahan nch'at insertadu sa botza in su cugione de sa porta amparada, finas a tando e cun profetu, dae Isaksson. A su de 69 minutos s'Isvètzia at paregiadu pro more de un'autogol de Clark. Giaccherini e Pellè, imbetzes, sunt sos marcadores italianos contra a su Bèlgiu. Cun custu resurtu sos biaitos ghiant sa classìfica de su girone.

S'ùlumu, àrbore seculare de linna bona

de Lisandru Beccu

Deretos lìberos. Url imàgine

S'ùlumu nche podet cròmpere finas a 30-40 metros de artària, creschende bene siat conca a sole e siat in logos umbrosos. Peri sos sartos no est raru a agatare prantas de 500 annos e de duos metros de diàmetru. Su nùmeru de sos ùlumos però est minimende a cajone de unu fungu chi lu faghet sicare, sa grafiosi.

1-0 contra a sa Repùblica Tzega. S'Ispagna a 3 cun sa Croàtzia

de Màuru Piredda 

Incarca subra de s'imàgine pro l'ismanniare

Una rete ebbia, ma bastante pro conchistare tres puntos e segudare sa Croàtzia (chi at bìnchidu eris contra a sa Turchia). Su gol ispagnolu a su de 87 minutos: passàgiu traessu de Iniesta e tiru de Piqué cun sa conca. Sos tzegos b'ant proadu finamentas in su recùperu, ma De Gea at blindadu sa porta.

Germània e Polònia, bonu su comintzu. A zeru Irlanda de su Nord e Ucraina

de Màuru Piredda

Incarca subra de s'imàgine pro l'ismanniare

1-0. Est su resurtu de sa partida intre Polònia e Irlanda de su Nord. Gol de Milik a 6 minutos dae su comintzu de su segundu tempus. Sa Germània, imbetzes, at bìnchidu contra a s'Ucraina gràtzias a Mustafi (a su de 19 minutos) e Schweinsteiger (a su de 92). Sas iscuadras de su grupu C s'ant a torrare a disafiare su 16 de custu mese.

Flòrida (Iua), degòlliu omòfobu: 50 mortos

de Màuru Piredda

Omar Mateen, unu pitzocu de origine afgana de 29 annos, est intradu a unu locale gay, su Pulse de Orlando, in Flòrida, e at comitzadu a isparare ochiende 50 pessones. 53 sos fertos. Est intervènnida sa politzia chi, intrende·nche a intro, l'at mortu. Non si cumprendet si su movente siat petzi de màdrighe omòfoba o finamentas islamista. A su chi narat s'Fbi, su pitzocu fiat unu simpatizante de s'Isis.

Grupu D, vitòria croata contra a sos turcos. Cras sa Repùblica Tzega afrontat a s'Ispagna

de Màuru Piredda

Incarca subra de s'imàgine pro l'ismanniare

Sa Croàtzia at bìnchidu su primu disafiu de su grupu D contra a sa Turchia. S'ùnicu gol a tres minutos dae s'acabbu de su primu tempus: Luka Modric, dae sos 20 metros nch'at insertadu sa botza in su cugione de manca de sa porta turca sena chi Babacan bi poderet cròmpere. Sos croatos aiant pòdidu raddopiare cun Srna a primu e Perisic a pustis, ma ambos giogadores ant tzentradu sa traessa. Su primu giru de partidas de su grupu concruit cras: s'ant a afrontare sa Repùblica Tzega e s'Ispagna.

Galles deretu a sos tres puntos. Sa Rùssia parègiat in fase de recùperu

de Màuru Piredda

Incarca subra de s'imàgine pro l'ismanniare

2-1. Su Galles at comintzadu su campionadu binchende contra a s'Islovàchia. A sos deghe minutos sos dragones britànnicos ant marcadu su primu gol issoro cun Bale: tiru lìberu prus chi non perfetu e peruna ispera pro su portieri Kozacik. Su parègiu a su de 16 minutos de su segundu tempus cun Duda. Ma a 9 minutos dae s'acabbu de su disafiu sos gallesos ant torradu a signare cun Robson-Kanu. 1-1 intre Inghilterra e Rùssia. Sos inglesos ant marcadu su vantàgiu issoro cun Dier (tiru lìberu e botza in suta de sa traessa), ma sos russos ant paregiadu sos contos a su de 92 minutos cun Berezutski.

S'Isvìtzera binchet contra a s'Albania e andat a 3 cun sa Frantza

de Màuru Piredda

Incarca subra de s'imàgine pro l'ismanniare

A pustis de su disafiu intre Frantza e Romania, pro su grupu A ant in pessu giogadu s'Isvìtzera e s'Albania. Partida curiosa, a dae chi agigu de giogadores cun sàmbene albanesu bestint sa màllia elvètica e a dae chi unos cantos giogadores de sa natzionale balcànica nche sunt nàschidos in sos tretos de sa cunfederatzione. In prus, sa gara fiat unu derby intre sos frades Xhaka: Granit cun sa Schweizer Nati, Taulant cun sa Shqiponja, s'àbbila niedda cun duas concas. Vitòria de sos elvèticos gràtzias a unu gol de Schär a chimbe minutos dae su comintzu de sa gara.

Europeos 2016, esòrdiu vitoriosu pro sos frantzesos

de Màuru Piredda 

Incarca subra de s'imàgine pro l'ismanniare

Su primu disafiu de su campionadu europeu acabbat cun sa vitòria de sos frantzesos contra a sa Romania. Primu tempus sena gol. Frantza in vantàgiu a su 57'. Bi pensat Giroud cun sa conca. Su parègiu de sa Romania cun Stancu (rigore), 8 minutos a pustis. A s'89 Payet nche tzacat sa botza a rete dae sos 25 metros.

Aberit petzi su 25% de sa Tàtari-Terranoa, su restu non s'ischit

de Lisandru Beccu

Deretos GoogleMaps

S'inauguratzione diat dèvere resurtare sa chida chi intrat e diat dèvere interessare pagu prus o mancu una bintina de chilòmetros. Est custu, pro como, su resurtu de sa Tàtari-Terranoa, costada in totu 1 milliardu de èuros.

Fàbiu Aru li proat sos chircos a sa bitzicleta noa binchende e cumbinchende

de Maurìtziu Sale

Deretos cyclinside  URL imàgine

«C'est ce dont le cyclisme a besoin». Custu est su chi li bisòngiat a su tziclismu. Sunt faeddos de Contador a pustis de sa de tres tapas de su  Giru de su Delfinadu (in frantzesu  Dauphiné; in otzitanu Daufinat de Vianés nda), bìnchida dae Fàbiu Aru. «L’at leadu sabore a sa vitòria, s’est bidu in sa Vuelta. At a tocare a lu bardare dae a curtzu in su Giru de Frantza», at agiuntu su campione ispagnolu.

Europeos 2016, sas iscuadras e sos disafios de su grupu F

de Màuru Piredda

Incarca subra de s'imàgine pro l'ismanniare

Àustria e Ungheria, unu tempus in intro a unu de sos impèrios tzentrales de grandu memòria bèllica, ant a abèrrere sos disafios de su grupu F de sos campionados europeos. Ambas ausentes in su torneu coladu ant a gherrare finamentas contra a s'Islanda (chi pigat parte a s'europeu pro sa prima bia) e su Portugallu, finalista in su 2004 (cando fiat paisu ospitante).

Stefano Cucchi: su Pg, “vìtima de tortura comente a Regeni”

de Maurìtziu Sale

Deretos Ansa. Url imàgine

In su protzessu de apellu-bis, su procuradore generale Eugenio Robolino, est istadu firmu e sàligu meda, oe in sa recuisitòria sua:  «A Stefano Cucchi l’ant torturadu comente in Egitu ant fatu cun Giulio Regeni. L’ant pistadu e mortu l’ant cando fiat in manos de s’Istadu. Ochidu dae sos serbidores suos matessi in càmitze biancu. Tocat a li torrare dinnidade a Stefano, a sa familia sua e a su paisu intreu. Tocat a istransire chi potzat mòrrere sa de tres bias. Sos mèigos chi lu deviant amparare e curare sunt responsàbiles de omitzìdiu curposu; pro issos peruna atenuante genèrica».

Europeos 2016, sas iscuadras e sos disafios de su grupu E

de Màuru Piredda

Incarca subra de s'imàgine pro l'ismanniare

Su 13 de làmpadas ant a comintzare sas partidas de su Grupu E. A merie s'ant a disafiare sa Republica de Irlanda e s'Isvètzia. Sos pitzocos in birde ant pigadu parte a s'europeu petzi in su 1988 e in su 2012. Bator annos a como, ghiados dae s'italianu Giovanni Trapattoni, perdeint totu cantas sas partidas. Finamentas sos grogu-biaitos iscandìnavos non nche barigheint su girone marchende una vitòria ebbia (duas sas partidas pèrdidas). Su mègius resurtu isvedesu in su 1992 (in domo issoro) crompende·nche a sa semifinale. A sero, imbetzes, b'at a èssere su disafiu intre su Bèlgiu e s'Itàlia. Sos dimònios rujos (finalistas in su 1980 contra a sa Germània Ovest) nche torrant a unu torneu internatzionale a pustis de 12 annos de ausèntzia. Fase de transitzione, imbetzes, pro sos biaitos itàlicos (campiones petzi in su 1968). Est frisca frisca sa noa chi pertocat sa ghia issoro pro su post-europeu: sa Figc at disinnadu chi s'allenadore nou at a èssere su tècnicu de su Torino Giampiero Ventura.

Bruno Alves a su Casteddu

de Lisandru Beccu

Deretos lìberos, Url imàgine

Su defensore portughesu, eris, at firmadu su cuntratu cun sos ruju-biaitos finas a su 2018. Bruno Alves est de s'81 e finas a como at catzigadu sos campos de su Farense, de su Vitória Guimarães, de s'Aek Atene, de su Porto, de su Zenit e de su Fenerbahçe.

In sa carriera sua, bastante profetosa, at pòdidu artziare a chelu trofeos meda. At leadu parte a sa Champions League e a s'Europa League, cun prus de 70 presèntzias, e est òmine de esperièntzia in sa natzionale lusitana.

In sas dies imbenientes l'amus a bìdere in atzione in su campionadu europeu de fùbalu.

Europeos 2016, sas iscuadras e sos disafios de su grupu D

de Màuru Piredda

 

Incarca subra de s'imàgine pro l'ismanniare

 

Sas partidas de su grupu D ant a comintzare su 12 de làmpadas cun su disafiu intre Turchia e Croàtzia. A pustis de sa conchista de sa semifinale in su 2008, sa natzionale anatòlica no at pigadu parte a sos campionados de su 2012 in Polònia e Ucraina. Finamentas sas màllias a cuadretos fiant assentes dae cussa competitzione: in su girone de cualificatzione aiant tentu mègius sorte s'Itàlia e s'Ispagna. Sos ibèricos, binchidores duas bias una in fatu a s'àtera (finamentas in su 2008 contra a sa Germània), ant a giogare imbetzes sa die a pustis contra a sa Repùblica Tzega, campione in su 1976 (comente Tzecoislovàchia).

Europeos 2016, sas iscuadras e sos disafios de su grupu C

de Màuru Piredda 

 

Incarca subra de s'imàgine pro l'ismanniare

 

Polònia e Ucraina sunt sas duas natziones chi, bator annos a como, ant organizadu su campionadu europeu. Ocannu si nch'agatant in su matessi grupu e, ambas iscuadras, punnant a fàghere mègius de tando. Sa Polònia fiat arribada ùrtima in su girone suo (comente in su 2008). S'Ucraina non nche crompeit a sos otavos pro more de sas derrotas contra a sa Frantza e a s'Inghilterra (non basteit su 2-1 contra a s'Isvètzia). Prima bia assoluta, imbetzes, pro s'Irlanda de su Nord ghiada dae Michael O'Neill. Blasonada de su grupu sa nationalmannschaft tedesca. Tres sos tìtulos conchistados: in su 1972 (3-0 contra a s'Unione soviètica), in s'80 (2-1 contra a su Bèlgiu) e in su 1996 (2-1 contra a sa Repùblica Tzega).

Adiosu Ali, abe e mariposa de s'isport e de s'impignu sotziale

de Mamàliu Pibesa

Deretos telegraph. Url imàgine

 

Si nch'est mortu in s'ospidale de Phoenix Cassius Marcellus Clay Jr., est a nàrrere su grandu Muhammad Ali. Su pùgile istadunidensu, nàschidu in Louisville (Kentucky) su 17 de ghennàrgiu de su 1942, aiat 74 annos. Dae 30 annos fiat gherrende contra a su Parkinson, un'aversàriu prus forte de Sonny Liston, de Joe Frazier e de George Foreman.

Europeos 2016, sas iscuadras e sos disafios de su grupu B

de Màuru Piredda

 

Incarca subra de s'imàgine pro l'ismanniare

 

S'at a giogare in su campu de Bordeaux sa prima partida de su grupu B de sos campionados europeos de fùbalu. Cara a cara sos dragones de su Galles (chi fiant prus de 50 annos sena pigare parte a unu grandu torneu internatzionale) e sos islovacos (chi in pare cun sos tzegos bincheint su trofeu baranta annos a como). Sas àteras duas iscuadras sunt s'Inghilterra e sa Rùssia. Sos tres leones sighint a èssere s'ùnica natzionale europea a àere bìnchidu sa copa de su mundu ma non custa: mannu est, duncas, su disìgiu de cumpensare custa farta. Finamentas sos russos sunt galu a nche l'artziare a chelu sa copa Henri Delaunay: l'ant fatu in su 1960, ma tando fiat s'Unione soviètica de Lev Yashin e Igor Netto. Àtera istòria.