 |
| Deretos wired.it. Url imàgine |
Su dotzente Matthew Gdovin, professore assotziadu de su dipartimentu de biologia de s'University of Texas, at brevetadu unu sistema nou pro ochìere sas tzèllulas tumorales. Su protzedimentu, a su chi narat su Journal of Clinical Oncology, s’ativat inietende su nitrobenzaldèide in su tumore e posca esponende·lu a unu flussu de lughe.
Su mètodu faghet a manera chi sas tzèllulas malàidas devennant àtzidas e chi si nche mòrgiant a sa sola. A su chi narat s'istudiosu, intre duas oras si nche morit su 95% de sas tzèllulas tratadas.
Sas proas las ant fatas subra de su tumore a su sinu triplu negativu, unu de sos prus malaitos e de sos prus matanosos de curare. Sos resurtados ammustrant chi, in su sòrighe, sa crèschida de su cancru si firmat e raddòpiant sas possibilidades de subravivèntzia. S'ispera est chi custu sistema potzat agiuare sos casos in ue su tumore no est operàbile o in ue sas àteras terapias faghent prus dannos chi no àteru.
