Est totu prontu pro su primu addòbiu de C.a.m.p.o.s., su coordinamentu de sas artes musicales e poèticas de sa traditzione orale de Sardigna. Su corrale de sa crèsia de santu Gregòriu, in Sabarussa, dae su 18 a su 19 de làmpadas at a retzire cantos, poesias, ballos e sonos dae totu s'ìsula. Duas dies pro s'ispassiare e pro arresonare de cultura.
Sa manifestatzione culturale aunit totu sas realidades de sa traditzione orale e musicale sarda: dae sas otadas a sos mutos; dae s'arrepentina a sa cantada campidanesa; dae sos càntigos a tenore e a cuncordu a sos càntigos a chiterra. Finas a nche cròmpere a sas launeddas e a sos sonetes. Su programa previdet noe palcos pro noe artes e addòbios cun sas iscolas, cun sas universidades sardas, cun sos assòtzios, cun rapresentantes istitutzionales e cun totu sa gente chi at a leare parte a s'eventu.
Est sa prima borta chi totu sas artes traditzionales si ponent paris in un'ùnicu eventu mannu. Sa punna est fintzas sa de ammustrare a totus sa variedade culturale e musicale de sa cale est rica sa Sardigna. Sas matessi prendas immateriales chi medas bortas non sunt leadas in cunsideru e chi diant merèssere agigu prus de valorizatzione e amparu.
Sa manifestatzione culturale aunit totu sas realidades de sa traditzione orale e musicale sarda: dae sas otadas a sos mutos; dae s'arrepentina a sa cantada campidanesa; dae sos càntigos a tenore e a cuncordu a sos càntigos a chiterra. Finas a nche cròmpere a sas launeddas e a sos sonetes. Su programa previdet noe palcos pro noe artes e addòbios cun sas iscolas, cun sas universidades sardas, cun sos assòtzios, cun rapresentantes istitutzionales e cun totu sa gente chi at a leare parte a s'eventu.
Est sa prima borta chi totu sas artes traditzionales si ponent paris in un'ùnicu eventu mannu. Sa punna est fintzas sa de ammustrare a totus sa variedade culturale e musicale de sa cale est rica sa Sardigna. Sas matessi prendas immateriales chi medas bortas non sunt leadas in cunsideru e chi diant merèssere agigu prus de valorizatzione e amparu.
