Europeos 2016, sas iscuadras e sos disafios de su grupu C

de Màuru Piredda 

 

Incarca subra de s'imàgine pro l'ismanniare

 

Polònia e Ucraina sunt sas duas natziones chi, bator annos a como, ant organizadu su campionadu europeu. Ocannu si nch'agatant in su matessi grupu e, ambas iscuadras, punnant a fàghere mègius de tando. Sa Polònia fiat arribada ùrtima in su girone suo (comente in su 2008). S'Ucraina non nche crompeit a sos otavos pro more de sas derrotas contra a sa Frantza e a s'Inghilterra (non basteit su 2-1 contra a s'Isvètzia). Prima bia assoluta, imbetzes, pro s'Irlanda de su Nord ghiada dae Michael O'Neill. Blasonada de su grupu sa nationalmannschaft tedesca. Tres sos tìtulos conchistados: in su 1972 (3-0 contra a s'Unione soviètica), in s'80 (2-1 contra a su Bèlgiu) e in su 1996 (2-1 contra a sa Repùblica Tzega).

Adiosu Ali, abe e mariposa de s'isport e de s'impignu sotziale

de Mamàliu Pibesa

Deretos telegraph. Url imàgine

 

Si nch'est mortu in s'ospidale de Phoenix Cassius Marcellus Clay Jr., est a nàrrere su grandu Muhammad Ali. Su pùgile istadunidensu, nàschidu in Louisville (Kentucky) su 17 de ghennàrgiu de su 1942, aiat 74 annos. Dae 30 annos fiat gherrende contra a su Parkinson, un'aversàriu prus forte de Sonny Liston, de Joe Frazier e de George Foreman.

Europeos 2016, sas iscuadras e sos disafios de su grupu B

de Màuru Piredda

 

Incarca subra de s'imàgine pro l'ismanniare

 

S'at a giogare in su campu de Bordeaux sa prima partida de su grupu B de sos campionados europeos de fùbalu. Cara a cara sos dragones de su Galles (chi fiant prus de 50 annos sena pigare parte a unu grandu torneu internatzionale) e sos islovacos (chi in pare cun sos tzegos bincheint su trofeu baranta annos a como). Sas àteras duas iscuadras sunt s'Inghilterra e sa Rùssia. Sos tres leones sighint a èssere s'ùnica natzionale europea a àere bìnchidu sa copa de su mundu ma non custa: mannu est, duncas, su disìgiu de cumpensare custa farta. Finamentas sos russos sunt galu a nche l'artziare a chelu sa copa Henri Delaunay: l'ant fatu in su 1960, ma tando fiat s'Unione soviètica de Lev Yashin e Igor Netto. Àtera istòria.

Frantza, operajos Cgt istacant sa lughe a su cabu Medef chi los aiat assimilados a "terroristas" e "criminales"

de Màuru Piredda

 

Deretos Laurent Matinat. Url imàgine

 

Gattaz in Frantza est unu sambenadu chi sos traballadores connoschent bene. Yvon fiat su presidente de su Consìgiu natzionale de su patronadu frantzesu. Pierre, su fìgiu, est sa ghia de su Medef, sa confindùstria transalpina. Dae su truncu bolat s'àstula, diamus pòdere nàrrere. Àscia benenosa, si pensamus a sos faeddos suos de sas dies coladas. Pro issu, Pierre, aiat definidu sos ativistas de sa Cgt, su sindacadu prus mannu chi tenent in cussos tretos, che a «terroristas» e «criminales». Sa neghe? Sa de gherrare pro sos deretos de sa classe issoro. Sa risposta, Pierre, l'at àpida in sas oras coladas. Cun un'atzione simbòlica sos de sa Ggt energia l'ant istacadu sa lughe in sa segunda domo de Saint-Raphaël. Su contadore artziadu a chelu a ghisa de trofeu. In s'ìnteri sighint sos isciòperos.

Europeos 2016, sas iscuadras e sos disafios de su grupu A

de Màuru Piredda 

Incarca subra de s'imàgine pro l'ismanniare

Albania, Frantza, Romania e Isvìtzera sunt sas iscuadras de su grupu A chi s'ant a disafiare pro nche cròmpere a sos otavos de finale. Custa editzione de sos europeos at a èssere sa prima cun sa presèntzia de sos albanesos. Ghiados dae s'italianu Gianni De Biasi ant conchistadu sa cualificatzione classifichende·si segundos a palas de su Portogallu. Sos biaitos de Didier Deschamps, a pustis de àere bìnchidu s'Europeu in su 1984 e in su 2000, ant a carcare su campu de domo issoro cun sa punna de su tris. A su chi si narat, semper e cando, at a cunfirmare su ruolu suo de protagonista. Sa Tricolorii rumena de Victor Piţurcă, in s'istòria de custos campionados, non nch'at barigadu sos cuartos (in su 2000 perdeit contra a s'Itàlia). Mannu su disìgiu de fàghere mègius. S'Isvìtzera, imbetzes, nche crompet a custu torneu a pustis de sas cualificatziones cun 7 vitòrias in 10 garas: segunda in fatu a s'Inghilterra.

Frantza, totu prontu pro sos europeos de fùbalu

de Màuru Piredda

 

 

In sa Frantza treulada dae sa cumbata sindacale contra a su guvernu Valls s'est acurtziende su comintzu de sos campionados europeos de fùbalu. 24 natzionales, partzidas in ses girones, s'ant afrontare dae su 10 a su 22 de làmpadas. Dae su 25 a su 27 ant a èssere 16 sas iscuadras chi ant a calare a su campu pro nche cròmpere a sos cuartos (dae su 30 de làmpadas a su 3 de trìulas). Sas semifinales sunt prevìdidas pro su 6 e su 7 (in Lione e Marsìllia); sa finale (in Parigi) su 10.