Conca a sa Lìbia? In sa mesa su petròliu, sa timòria de unu ludrau nou e s'arriscu atentados

de Màuru Piredda

Un'imàgine de Latuff de 5 annos a imoe, Url imàgine

Is sondàgios de is dies coladas nos narant chi ddoe at una majoria de italianos contra a sa possibilidade de un'interventu militare in Lìbia. Podet èssere chi dipendat dae is cunsighèntzias subidas (in contu de gastos pùblicos menguados a s'istrutzione, a sa salude, a is entes locales etc.) a pustis de annos e annos de "missiones de paghe". Podet èssere chi dipendat dae is sordados torrados a Itàlia in intro de una càscia o dae sa crèschida de s'abolotu in cussos chirros pro nudda assussegados dae s'interventismu otzidentale. Ddoe at, duncas, unos cantos motivos chi cajonant una risposta, sica, che a custa. Ma ddoe at unos cantos motivos chi nche ponent is guvernantes in s'àndala de s'interventu. A comintzare dae is chistiones ligadas a su petròliu. «Sa gherra a su Califfadu est petzi un'aspetu de su cunflitu. Antis, s'Isis si nch'est insertadu feti a pustis chi comintzeit sa gherra pro su petròliu». Faeddos de Alberto Negri, càlamu de su Sole 24 ore.

Missione italiana in Lìbia. Cando e comente? Renzi palas a muru sena unu guvernu chi aunat Trìpoli e Tobruk

de Màuru Piredda

Renzi e Pinotti. Deretos Olycom. Url imàgine

Is tìtulos de is giornales de oe, movende dae sa morte de is duos tècnicos italianos, Salvatore Failla e Fausto Piano, nos podent dare un'idea de su bentu de gherra chi est sulende semper prus forte dae s'isponda lìbica de su Mediterràneu. «Gosi ant mortu a is duos presos italianos» (Corriere della sera); «Mortos in Lìbia duos presos italianos, prontu s'atacu cun naes e aèreos» (la Repubblica); «Su sàmbene de is italianos in Lìbia» (la Stampa); «Ostàgios ochidos, Itàlia in bàrdia» (il Messaggero); «E como gherra a beru» (il Giornale); «Lìbia, is primos 2 mortos italianos. Sa gherra si faghet ma non si narat» (il Fatto); «Is iscudos umanos de s'Isis» (l'Unità); «A su fronte» (il manifesto). Sa noa de oe, essida a campu a pustis de s'imprenta de is giornales mentovados, nos narat chi is àteros duos ostàgios italianos (Gino Pollicardo e Filippo Calcagno) si nche sunt liberados. Ma, a imoe, non ddoe at peruna boghe chi nàrgiat chi nono a un'interventu italianu.

Lìbia, càmiu-bomba de s'Isis in Zlitan

de Lisandru Beccu

Deretos gds, Url imàgine

Deghinas de mortos, custu est su bilantzu provisòriu de s'atentadu a s'acadèmia de politzia de Zlitan. Semus in Lìbia, a pagu prus o mancu 175 chilòmetros dae Trìpoli. A su chi narat sa televisione Al Arabiya sos mortos diant dèvere èssere unos 70, ma sos datos non sunt ufitziales. Pro seguru su ministeru de sa sanidade faeddat de un'isterrimenta de una chimbantina de mortos intre tziviles e politziotos. Sos fertos imbetzes diant dèvere èssere unos 150.

Lìbia: Sa Cia afortit su controllu pro s’atividade Daesh in tretos de Sirte

de Maurìtziu Sale

Deretos, Ansa/Epa. Url imàgine

Sos agentes de sos servìtzios segretos americanos ant afortidu s'atividade issoro a probe de Sirte, sa tzitade lìbica in ue paret chi siant prus ativos sos membros de Daesh. Istende a cantu iscrient sas fontes ufitziales in sinu a su corpus de seguràntzia tunisina, noas publicadas in su situ de informatzione Akhbar Libya 24, paret chi b'apat àpidu una grandu crèschida de sos controllos chi sa Cia, die cun die, est ghiende a làcana intre sa Lìbia e sa Tunisia.

Lìbia, un'atacu americanu ochit a Abu Nabil

de Lisandru Beccu
 

 

Sa noa de sa morte de Abu Nabil arribat a pustis chi unu drone americanu aiat mortu a Mohammed Emwazi (giòvia colada), s'iscannadore inglesu de s'Is, e a pustis de su degòlliu de Parigi. Su cabu de s'Isis l'ant mortu in Trìpoli duos F-15 americanos. L'at cunfirmadu su Pentàgonu.

Lynsey Addario. Fotògrafa e fèmina de gabbale

de Maurìtziu Sale

Deretos www.lynseyaddario.com

A èssere fotògrafos in logu de gherra, o a testimonia de cale si siat deretu umanu, no est cosa simpre. Mescamente si su fotògrafu est fèmina. Lynsey Addario, americana de sàmbene italianu, 41 annos, fotògrafa. Nde teniat 27 cando in su 2000 nche fiat in Afghanistan suta su controllu talebanu e 29 cando si nch'andeit in Waziristan pro sighire sa trata de sos talebanos a pustis de sos atacos americanos. Su traballu dìligu fatu peri sas tribù subra de sa rebellia locale e de sos atacos contra a s'ìndula patzìfica issoro, l'at fatu bìnchere su prèmiu Pulitzer in su 2009. Sos colores cruos de sa suferèntzia e sos cuntrastos atzudos de sa povertade e de su dolore sunt sas caraterìsticas chi rendent distintu, forsis ùnicu, s'istile suo.