 |
| Deretos, Ansa/Epa. Url imàgine |
Sos agentes de sos servìtzios segretos americanos ant afortidu
s'atividade issoro a probe de Sirte, sa tzitade lìbica in ue paret chi
siant prus ativos sos membros de Daesh. Istende a cantu iscrient sas
fontes ufitziales in sinu a su corpus de seguràntzia tunisina, noas
publicadas in su situ de informatzione Akhbar Libya 24, paret chi
b'apat àpidu una grandu crèschida de sos controllos chi sa Cia, die cun
die, est ghiende a làcana intre sa Lìbia e sa Tunisia.
Un'atividade
semper prus funduda, sa de sos agentes americanos, oriolados - a su chi
si leghet - chi b'arribet àteros militantes africanos e finas
istràngios a Sirte, a Derna e a Bengasi. E timende - paret - chi sos
jihadistas de sa mesuluna petrolìfera, bi potzant reventire a si nche
leare su controllu totale de sas tzitades mentovadas.
In particulare sa timòria est orientende sa Cia a abèrrere un'ispètzia de gabina de regia aunida, intre sos servìtzios segretos de sos Istados unidos e sos de sa Tunisia. Base de controllu chi diat dèvere leare in manos totu sa làcana lìbicu-tunisina. E cun sa punna de coordinare totus in pare s'atividade funduda e istrinta de controllu . Atividade - si leghet galu in su situ - chi diat àere, ma sa noa est galu isetende cunfirma, permìtidu in sos ùrtimos meses de nch'istransire vàrios assàchios terrorìsticos pròpiu in Tunisia.
Baddu a ite, cando leghimus noas chi pertocant s'atividade de sos servìtzios segretos americanos contra a Daesh, amus comente s'impressione chi nche siamus semper unu passu a dae segus cunforma a su chi imbetzes acontesset in sa realidade. Est a nàrrere chi forsis est a beru chi in Tunisia e Lìbia, sos atentados nche los apant istransidos, ma nen de Parigi, ne, a dolu mannu, de aterue paret chi s'ischiret cosa in antìtzipu. E galu oe b'at petzi suspetos e teorias chi s'assàchiu de Parigi esseret faina organizada dae Daesh. Nointames sas rivendicatziones. Nointames sos arrestos. Perunu aviu de protzessu, peruna noa cuncreta finas a como e peruna risposta dislindada. Nessi non dae sos servìtzios segretos chi forsis nos dant a intèndere petzi su chi, òrdines superiores, lis imponent.
In particulare sa timòria est orientende sa Cia a abèrrere un'ispètzia de gabina de regia aunida, intre sos servìtzios segretos de sos Istados unidos e sos de sa Tunisia. Base de controllu chi diat dèvere leare in manos totu sa làcana lìbicu-tunisina. E cun sa punna de coordinare totus in pare s'atividade funduda e istrinta de controllu . Atividade - si leghet galu in su situ - chi diat àere, ma sa noa est galu isetende cunfirma, permìtidu in sos ùrtimos meses de nch'istransire vàrios assàchios terrorìsticos pròpiu in Tunisia.
Baddu a ite, cando leghimus noas chi pertocant s'atividade de sos servìtzios segretos americanos contra a Daesh, amus comente s'impressione chi nche siamus semper unu passu a dae segus cunforma a su chi imbetzes acontesset in sa realidade. Est a nàrrere chi forsis est a beru chi in Tunisia e Lìbia, sos atentados nche los apant istransidos, ma nen de Parigi, ne, a dolu mannu, de aterue paret chi s'ischiret cosa in antìtzipu. E galu oe b'at petzi suspetos e teorias chi s'assàchiu de Parigi esseret faina organizada dae Daesh. Nointames sas rivendicatziones. Nointames sos arrestos. Perunu aviu de protzessu, peruna noa cuncreta finas a como e peruna risposta dislindada. Nessi non dae sos servìtzios segretos chi forsis nos dant a intèndere petzi su chi, òrdines superiores, lis imponent.
E su tempus est colende, semper
prus gente innotzente b'at morende sena chi, francu sa gherra aberta,
sas natziones siant parende fronte in manera funduda e a beru tzivile.
