S'indipendentismu sardu cara a su referendum. Cumpostu: «Astenide·bos», Libe.r.u: «Votemus chi nono»

de Màuru Piredda 

Deretos Camera.it. Url imàgine

Est acurtziende·si sa data de su referendum pro cunfirmare, o mancu, sas modìficas costitutzionales chertas dae su guvernu de Renzi. Sa riforma pertocat unos cantos puntos chi movent dae su bicameralismu finas a nche cròmpere a sos raportos intre s'istadu e sas regiones. Comente tzitadinos de s'istadu italianu, finamentas sos sardos sunt cramados a s'espressare in atòngiu. Sa dibata est mòvida dae tempus interessende partidos, sindacados e assòtzios de categoria. Cun sas decraratziones de custas dies bidimus chi finamentas in su mundu indipendentista non b'at univotzidade.

Casteddu-Pistoiese 3-0 | Sa Crònaca

de Lisandru Beccu

 

 

In s'amichèvole de oe, in sa friscura de Aritzo, su Casteddu otenet sa de tres vitòrias a fila a pare. Custa borta sos aversàrios fiant sos toscanos de sa Pistoiese.

Ògiu extra-vìrgine de olia, arma minoredda contra sos tumores

de Lisandru Beccu

Sas variedades de ògiu de olia prus ricas de polifenolos tenent efetos benèficos e podere anti-infiamatòriu e anti-tumorale. S'istùdiu est mòvidu dae s'Universidade de Bari e dae s'iscuadra de su Professore Antonio Moschetta, dotzente de meighina interna de sa facultade baresa.

Su “parlament” at votadu: intro de su 2017 sa Repùblica de Catalugna

de Lisandru Beccu

Su parlamentu catalanu, cun 72 votos a favore e cun 11 votos contràrios, at aprovadu sas concrusiones de sa commissione de su protzessu costituente. In sas votatziones sos ùnicos a votare contra sunt istados sos de Sí que es Pot. Su Psc s'est astènnidu e imbetzes su Pp e Ciutadans si nche sunt essidos dae s'àula.

Frantza. Sa derrota de Aru e su coro caru, craru e sintzeru de Barguil

de Maurìtziu Sale

A manu manca Barguil faeddende cun Aru. Deretos Sportfair. URL imàgine 

Warren Barguil est unu tziclista frantzesu de in pessu 24 annos. Professionista dae su 2013, curret como cun s’iscuadra Giant-Alpecin, est artu unu metru  e otantatrès e pesat sessanta chilos. De sos sessanta, a sa segura, nessi unos deghe nche los tenet in su coro. Unu coro mannu cantu a una domo e grae che roca. In pare cun su sentidu suo personale de òmine giuditziosu e de grandu vàllia morale. 

A ite custos faeddos? A ite custa epìstula de bàntidu? Pro unu pitzinnu chi nch'est cròmpidu in pessu a sa de 23 positziones de sa classìfica generale in su Giru frantzesu? Marchende duncas unu nudda in s’istòria de sa cursa a pedales? Sa cajone est una ebbia. E est una resone umana, de sabiesa, de bona intragna e de inditu pro totu sos giòvanos – e finas betzos – chi istimant custu isport e s’isport in generale. E pertocat dae a curtzu su curridore sardu.

Sèrie A | Su Calendàriu 2016/2017

de Lisandru Beccu

Chenàbura sero sa lega de sa Sèrie A at publicadu su calendàriu de s'istajone imbeniente. Su campionadu cumintzat su 21 de austu e acabbat su 28 de maju de su 2017. Su Casteddu, in sa prima giorronada, at a èssere impignadu in Gènova cun sos ruju-biaitos de Juric.

>> Iscàrriga·ti·nche su calendàriu in Pdf in formadu A3<<

Salvini sessista contra a Boldrini. Clàudia Sarritzu pro chi sas giornalistas no l'invitent in Tv

de Màuru Piredda

Aggiungi didascalia

«Sas fèminas non sunt pupias e sa cumbata polìtica si faghet cun sos argumentos, pro chie nde tenet, e non cun sas ingùrgias». Sunt sos faeddos de su presidente de sa Càmera, Laura Boldrini, indiritzados a sa ghia de sa Lega nord. Matteo Salvini, eris, in un'addòviu cun sos sustenidores suos, at naradu chi «in su palcu b'at una sòsia de Boldrini», cajonende sas iscantzadas de chie at cumpartzidu s'espressione sessista. Su sòsia, pro Salvini, fiat una pupia de gomma. Sa giornalista sarda Clàudia Sarritzu at pregontadu si sas collegas suas ant a sighire a l'invitare a sas trasmissiones televisivas: «Dae sas fèminas pedo prus atza chi non dae sos collegas òmines».

Insònnia, s'ammesturu cognitivu podet èssere su remèdiu

de Màuru Piredda

Deretos lìberos. Url imàgine

Luc Beaudoin est unu cognitivista canadesu. De issu si narat chi apat imbentadu una tècnica pro nche collire sos insonnes intre sos bratzos de Morfeu sena nche colare iscutas e oras a su gira gira subra de sa banita, isetende chi si tanchent sos ogros. Pro Beaudoin est bastante a ammesturare sos meledos sena cunsiderare un'òrdine lògicu. Antis, òrdine est mègius chi non bi nd'apat, sa secuèntzia depet èssere casuale. Cara a custa iscoberta, chi paret finas banale, cada cherta de s'assussegu benit a nch'èssere posta a banda ca nos tenet ischidados.

Mònacu de Baviera, isparatòria in unu tzentru cummertziale. Mortos, fertos e dudas

de Màuru Piredda

Deretos Ansa/Ap. Url imàgine

Est unu giòvanu tedescu-iranianu de 18 annos (e no unu "commando", comente si naraiat a comintzu) s'autore de s'isparatòria de eris. Su fatu est acontèssidu in tretos de su tzentru cummertziale Olympia, in sa capitale bavaresa, a oras de sas 18.00. A su chi naraiant sas fontes ufitziales fiant tres sos mortos e prus de deghe sos fertos. Àteras boghes (a comintzare dae sos mèdios tedescos) faeddaiant de ses pessones intre sas chi aiant pèrdidu sa vida in s'atacu. Su nùmeru nch'est cròmpidu a noe e finamentas su pitzocu, una bia acumpridu su disinnu e a pustis de sa fua, s'est mortu. A su nessi, gosi paret. Galu non si cumprendet sa màdrighe de s'acadessimentu. Deretu est essida a campu s'ipòtesi de su terrorismu, ma sa Politzia e su Spiegel ant impreadu su cuntzetu de “Amoklauf”, est a nàrrere ira omitzida. Su mistèriu s'est fatu prus mannu istende a su chi ant intesu unos cantos testimòngios presentes in cue. «Tedescu so, istràngios de merda», paret chi apat aboghinadu cando chi fiat isparende. Pro custu motivu b'at galu prudèntzia dae banda de sos incuirentes. Baddu si sa matessi prudèntzia l'amus a agatare in sos mèdios “de domo nostra”. Isis o mancu, ant a èssere issos a bìnchere si si diat ingendrare e ispainare su clima de psicosi.

Sondàgios polìticos, pro Swg a sos italianos no lis agradat su capitalismu

de Màuru Piredda

 

Url imàgine www.termometropolitico.it

 

Swg at ammaniadu una chirca intervistende 1000 tzitadinos italianos in contu de sistemas econòmicos e de prospetivas de su tempus venidore. Essit a campu una realidade anti-sistèmica chi at a pònnere a meledare prus de un'analista. Su 32% de su campione narat de èssere anti-capitalista; pro-capitalista su 25. Su 43 galu no l'ischit.

Casteddu-Terek Grozny 1-0 | Sa Crònaca

de Lisandru Beccu

Su Casteddu serrat su ritiru in Pejo cun una vitòria. Sa partida de oe fiat sa prima proa pro averguare sa preparatzione de sos ruju-biaitos. Difatis sa proa est interessante ca sos aversàrios sunt giai in dae in antis cun sa preparatzione atlètica bidu chi su 30 de custu mese, in Rùssia, cumintzat su campionadu.

Wikileaks at publicadu sa posta eletrònica de su partidu de Erdogan

de Lisandru Beccu

Deretos Latuff/Wikileaks

Su situ de documentos segretos at postu a disponimentu de totus 294.548 messàgios de posta eletrònica de s'Akp, su partidu de Recep Tayyip Erdogan. Sa tzensura est iscatada deretu, s'autoridade turca pro sas telecomunicatziones at blocadu s'atzessu a Wikileaks pro totu sos tzitadinos turcos.   

Sos messàgios prus reghentes sunt de su ses de trìulas, deghe dies in antis de su corfu de istadu faddidu. Sos prus betzos imbetzes sunt de su 2010. Sa majoria de sas comunicatziones “furadas” sunt impreadas pro comunicare cun s'èsteru in contrapositzione cun sas chistiones internas prus dìligas. 

Su situ de s'organizatzione internatzionale cheret collaboratzione dae totus, in manera chi sas informatziones siant ispartzighinadas cantu prus possìbile in totu su territòriu turcu.

Temperaduras caentes nessi finas a chenàbura

de Lisandru Beccu

S'anti-tziclone de sas Azorras, acumpangiadu da àera caente e assuta, at cumintzadu a si nch'istèrrere a totu su mediterràneu faghende crèschere sas temperaduras. S'amparu tzivile regionale at emìtidu un'avisu comunichende a sa populatzione de praticare un'idratatzione adeguada e de essire dae domo petzi in sas oras prus friscas.

Dae oe amus a registrare un'aumentu de sas temperaduras. Sas màssimas, in die de giòvia e chenàbura, nch'ant a barigare sos 40 grados, crompende·nche a 43-44 mescamente in sas zonas internas. In logu de mare imbetzes s'at a istare mègius.

Su nùmeru pro sas emergèntzias sanitàrias est su 118.

Vatzinu anti-Hiv, sas primas proas in Sud Àfrica

de Lisandru Beccu

Deretos lìberos. Url imàgine

In Sud Àfrica, intro de ocannu, ant a isperimentare unu vatzinu contra su virus de s'Hiv. Sas proas reghentes aiant dimustradu chi su fàrmacu diat pòdere dare una manu de agiudu a cumbàtere s'epidemia in totu su continente africanu.

Sa noa l'ant dada in sa cunferèntzia globale contra a s'Aids de Durban. Sos datos de su 2015 faeddant de 2,1 milliones de infetziones noas e pertocant mescamente s'àrea sub-sahariana. «Semus galu in sa fase de precautzione – at naradu Linda Gail-Bekker, presidente de s'International Aids Society – ancora non podimus nàrrere si su vatzinu at a èssere eficatze».

Sa meighina est sa prima chi at ammustradu una tzerta protetzione contra s'Hiv, difatis tenet un'efetu positivu de su 31%. Unu nùmeru bastante mannu chi permitit a sos istùdios de mòvere a dae in antis.

Mèssicu, milliones de àrbores in sa gherra contra a s'incuinamentu

de Lisandru Beccu

Su rimèdiu prus lògicu a sos dannos ambientales cajonados dae s'òmine est su de su riprìstinu de sos padentes e de sos giassos birdes. Sas prantas sunt de importu mannu ca si nche tirant cantidades mannas de anidride carbònica, tratenent s'umididade, amparant su terrinu dae s'erosione e podent suspire fintzas sustàntzias tòssicas e incuinantes. S'idea chi ant àpidu in Tzitade de su Mèssicu movet dae inoghe.

U.S. Pieve di Bono-Casteddu 0-16 | Sa crònaca

de Lisandru Beccu

Sas amichèvoles de su Casteddu sunt cumintzadas oe cun sa partida contra a sa rapresentativa locale. Sos òmines de Rastelli ant saludadu sos 500 sustenidores presentes in sas tribunas cun 16 gol, oto in su primu tempus e àteros oto in su segundu.

Turchia, golpe fartadu e Erdogan vitoriosu. Venidore semper nieddu pro sos curdos

de Màuru Piredda

Erdogan faeddende tràmite Facetime. Url imàgine

Cun sa noa de sa serrada de sos pontes in su Bòsforu (annuntziada eris a oras de sas 22.00 de inoghe), est comintzada sa trasmissione de sas informatziones relativas a su corfu de istadu chi s'esèrtzitu at chircadu, de badas, de acumprire. Tzocos in pratza de Taksim e in s'aeroportu Ataturk, carros armados, elicòteros, F-16, ordignos contra a su Parlamentu, politzia lealista contra a sordados golpistas, ocupatzione de sa televisione istatale.

Naufràgiu de su 2015, acabbadas eris sas operatziones de recùperu de sos corpos

de Lisandru Beccu

Deretos Reuters. Url imàgine

Sa barca si nch’afundeit su mese de abrile de su 2015 e a como resurtat su naufràgiu prus mannu de su mediterràneu. Eris, a prus de un'annu dae sa disaura, sa marina italiana nch'at acabbadu sas operatziones de recùperu de sos corpos.

Degòlliu in Nitza, unu càmiu nche crompet a subra de sa gente

de Lisandru Beccu

Deretos Valéry Hache, Afp/Getty Images. Url imàgine

Sa timòria torrat a tzocheddare a sa ghenna frantzesa in sa die nòdida de sa Republique. Eris sero in Nitza, pagu prus o mancu a ora de sas ùndighi, unu càmiu nch'est intradu a un'àrea pedonale carchende·si suta canta prus gente resessiat a agatare in su percursu suo. Una botza iscassiada de 18 tonnelladas currende a 80 chilòmetros a s'ora.

Su programa de sas amichèvoles de su Casteddu

de Lisandru Beccu

Incarca subra de s'imàgine pro l'ismanniare

Dae pusticras amus a pòdere bìdere in atzione s'iscuadra de Rastelli e sos acuistos noos. Sos ruju-biaitos dae sàbadu ant a èssere protagonistas, intre Itàlia, Sardigna e Ispàgna, in una sèrie de partidas amichèvoles finas a su 10 de su mese chi intrat.

Inoghe in fatu su calendàriu:

16 de trìulas a sas 17:30 | Pejo ITA | U.S. Pieve di Bono – Casteddu

20 de trìulas a sas 18:00 | Pejo ITA | Casteddu – Terek Grozny

28 de trìulas a sas 17:30 | Aritzo SRD | Casteddu – Pistoiese

31 de trìulas | Casteddu SRD | Casteddu – Crotone – Terranoa

5 de austu | G. Canària ISP | "Maspalomas" Maritimo – Casteddu

7 de austu | G. Canària ISP | "Maspalomas" Las Palmas – Casteddu

10 de austu a sas 20:45 | Casteddu SRD | Casteddu – Amburgo

Avisu de s'amparu tzivile, fintzas oe s'arriscu fogos est artu meda

de Lisandru Beccu

Su bentu maistru cumintzat a sulare e su sistema de preventzione de sos fogos s'ativat. Sa de oe at a èssere dìliga pagu prus o mancu in totu su territòriu de s'ìsula. S'ufìtziu de s'amparu tzivile invitat totu sos tzitadinos a signalare deretu sas emergèntzias a sos nùmeros 1515 de su corpus forestale e su 115 de sos pompieris.

Avisu de arriscu fogos, pro oe su livellu est artu

de Lisandru Beccu

S'ufìtziu de amparu tzivile at emanadu unu comunicadu de arriscu artu pro fogos in pagu prus o mancu totu sa Sardigna. Oe su bentu s'at a furriare a bentu maistru, creschende sos livellos de bàrdia e su perìgulu.

Pùglia, duos trenos iscutos a pare

de Lisandru Beccu

B'at a su nessi dòighi mortos e prus de 34 fertos in s'intzidente ferroviàriu chi est acontèssidu oe a ora de sas 11:30 in sa lìnia intre Bari e Àndria. 

«Sa situatzione est dramàtica e pro seguru su nùmeru de sos mortos at a crèschere meda – at naradu su vitze-presidente de s'amparu tzivile, agiunghende chi – belle gasi sa màchina de sos sucursos s'est ativada deretu e est funtzionende bene» 

Sos trenos fiant biagende in una lìnia a binàriu ùnicu, in su tretu intre Corato e Ruvo di Puglia. Unu fiat andende a Àndria e s'àteru, mòvidu dae Àndria, fiat andende conca a Corato. S'impatu est capitadu a su cumintzu de una cùida, in mesu a su sartu. Sa lìnia ferroviaria, indipendente dae sa rete natzionale Fs, est gestida dae sa sotziedade privada Ferrotramviaria Spa.

Deghe annos a oe s'operatzione “Arcadia”, s'ammentu de Pedru Frantziscu Devias

de Mamàliu Pibesa

Deretos Libe.r.u.

«Nch'at coladu deghe annos oramai. Su mangianu mi nch'ischideint sas boghes furiosas de sa giustìtzia apretende·mi a abèrrere a sa lestra, si nono nche diant àere ghetadu sa ghenna. Mai dia àere imaginadu su chi mi diat èssere capitadu a pustis de àere giradu sa crae in sa tancadura. Intreint a domo a bratzos istèrridos, cun sas pistolas cara a mie. "Àrtzia sas manos, abarra sulenu, mantene sas manos artziadas". In subra de sa mesa su mandadu de arrestu, sos nùmenes de sos cumpàngis meos. Sa domo furriada cùcuru a giosso. Sa mòvida a Nùgoro pro bortulare sa de babbu e de mama. Sas làgrimas suas. Sos saludos. "Sulenos, no apo a istentare a torrare". Carrigadu a sa màchina e iscarrigadu a ghisa de fera, sos ferros, s'ischedadura, sas imprentas, sas fotografias, s'isetòngiu sena acabbu, sas miradas de minusprètziu, s'òdiu issoro fundudu, in cùgiu, in sas pipias de s'ogru. Su sidis, su fàmene, s'afogu, sos oriolos, sas dudas, su pensamentu pro sos istrintos e pro sos cumpàngios meos. S'ideale firmu che roca de atzàrgiu. Una carrera de macos conca a Casteddu, àtera ischedadura, àteras imprentas, sa percuisitzione de sa carena, sos lentzolos, sa gaveta, sos udreddos pro su màndigu, su cabidale. Sa presone. Gosi nch’apo magiadu s'ùndighi de trìulas de su 2006».

Fùbalu, Portugallu campione de Europa

de Màuru Piredda 

Finale de sos europeos cunditzionada dae s'infortùniu de Cristiano Ronaldo a pagos minutos dae su frùschiu de comintzu de Clattenburg: s'atapada cun Payet (a su de 8 minutos) non paret grae ma, a su pesa-rue e cun sas làgrimas in ogros, Cr7 devet renuntziare lassende su campu a su de 25 minutos.

Màndigos de domo contra a su diabete de tipu 2

de Lisandru Beccu

Sas pessones chi costumant a papare màndigos aprontados in domo ant prus pagu possibilidades de s'ammalaidare de diabete de tipu 2. In sìntesi sunt custos sos resurtados de una chirca de s'Harvard T.H. Chan School of Public Health de Boston. Chie cheret aprofundire si los podet lèghere in sa rivista Plos Medicine. 

In totu su mundu, siat pro sos ritmos e siat pro sa mandronia a coghinare, pessones meda sunt avesas a papare in foras de domo, faghende ricursu, a su sòlitu, a sos màndiga lestru (fast food in inglesu). Dietas ricas de energia ma pòberas de sustàntzias nutritivas. S'ipòtesi est chi custa genia de cumportamentu nche giugat sas pessones a un'aumentu de su pesu, faghende crèschere fintzas s'arriscu de isvilupare su diabete de tipu 2. 

Analizende sos datos, sos sientziados ant iscumproadu chi sas pessones chi papant prus a fitianu in domo ant un'arriscu prus bàsciu de su 15% de isvilupare su diabete de tipu 2 cunforma a chie màndigat in foras.

Su Casteddu movet dae oe cun sa preparatzione

de Lisandru Beccu

Cumintzat oe in Pejo sa preparatzione atlètica de sos òmines de Massimo Rastelli pro s'istajone 2016/2017 de fùbalu. S'iscuadra at a istare in s'albergu Kristiania, a curtzu a su campu de allenamentu.

Su mele e su segretu de sas propiedades suas

de Lisandru Beccu

Su durcore suo at conchistadu semper a totus e gasi etotu sas propiedades suas benèficas. S'importante est a lu seberare biològicu, sena pestitzidas, sena sustòntzias chìmicas e cun sas caraterìsticas organolèticas naturales.

Sa Frantza, prus cuncreta, andat a si giogare sa finale

de Lisandru Beccu

Incarca subra de s'imàgine pro l'ismanniare

Sa segunda semifinale intre Frantza e Germània prèmiat sos giogadores de Didier Deschamps. Sos biaitos ant ischidu isfrutare mègius sas oportunidades in atacu e nch'ant serradu sa partida cun duos gol de iscartu.

Griezmann nch'at leadu in vantàgiu sos suos gràtzias a unu tiru de penalidade in sos ùrtimos minutos de su primu tempus. Schweinsteiger at tocadu sa botza cun sa manu e s'àrbitru at cuntzessu deretu sa punitzione màssima. In su segundu tempus sa Germània non pariat bastante motivada pro nche cròmpere a su parègiu. Sos transalpinos pariat chi tennerent carchi cosa in prus in sas ancas. A su de 72 minutos est arribadu su raddòpiu. Sos defensores tedescos ant atzoroddadu in intro de s'àrea de penalidade issoro e ant pèrdidu sa botza. Pogba nche l'at torrada a ghetare a mesu, Griezmann nche l'at collida e at signadu sa de duos aprofitende fintzas de sa faddina de su portieri Neuer.

Sa finale intre Frantza e Portogallu at a èssere domìniga sero a sas noe.

Monincas e ratzismu. Tres annos a como Calderoli, oe su mortore fascista de Emmanuel

de Màuru Piredda

«Cando abèrgio su situ de su guvernu e essit a campu su ministru Kyenge, deo abarro sicu. Deo los istimo sos animales, pro caridade de Deus. Ma si m'agato cara a un'orangu, abarro galu abbolotadu». Fiat su 13 de trìulas de su 2013. Fiant sos faeddos de s'ex ministru Calderoli, senadore leghista. In sas oras coladas Emmanuel Chidi Namdi, nigerianu de 36 annos, fuidu dae s'inferru pesadu dae Boko-Haram, si nch'est mortu in s'ospidale. Si nch'est mortu ca l'ant fertu a morte, in Fermu. Fiat defensende sa mugere ca duos fascistas la fiant cramende “moninca”. A pustis de s'acadessimentu, sa polìtica ufitziale at naradu sa sua, cundennende e pranghende. Ma pro sos incuilinos de Palatzu Madama, Calderoli no aiat fatu peruna discriminatzione ratziale, petzi difamatzione. A l'ant a àere su coràgiu de reconnòschere s'ipocrisia? E sos giornalistas chi faeddant de ultras e non de fascistas a l'ischint chi b'at unu fiotu de ultras antiratzistas? Mala tempora currunt.

Fogu, solidariedade manna dae totu s'ìsula

de Lisandru Beccu

Sos fogos de sas dies coladas si nch'ant papadu prus de 4mìgia ètaras de terrinu, arruinende e a bortas distruende sos sacrifìtzios de chie traballat in su sartu. Sos piròmanes ant operadu in Uta, in Orane e in Furtei, ma su fogu prus mannu at traessadu sa provìntzia de Nùgoro crompende·nche a sa de Aristanis. Un'inferru mannu dae Bòrore finas a Bìroro, Bortigale, Noragùgume, Duarche, Sèdilo e Aidumajore.

2-0 contra a su Galles. Portugallu in finale

de Màuru Piredda

Incarca subra de s'imàgine pro l'ismanniare

Su Portugallu nche crompet a sa finale de sos campionados europeos de fùbalu. At a disafiare chie at a bìnchere sa partida de cras intre Germània e Frantza. In giru de tres minutos (a comintzu de su segundu tempus) Cristiano Ronaldo e Nani ant brujadu sas isperas de sos gallesos. Sunt noe sas retes de CR7 in custu torneu, sas matessi de Platini chi, finamentas a como, deteniat su record.

Chenàbura in Ajàciu si riunit sa consulta intre Sardigna e Còrsica

de Lisandru Beccu

Chenàbura a mangianu sos guvernos de sas duas ìsulas sorres s'ant a riunire in sa tzitade de Ajàciu pro giùghere a in antis su progetu de macro-regione de su Mediterràneu e de s'Europa.

Sa Consulta sardo-corsa, istituida cun duos documentos su 28 de abrile e su 26 de maju de ocannu, s'at a cunfrontare pro aproare su regulamentu internu e pro istabilire e programare atziones de importu pro s'amparu e sa valorizatzione de su patrimòniu linguìsticu e culturale.

A s'assemblea, cunvocada dae su presidente de su Consìgiu regionale Giuanne Frantziscu Ganau in pare cun s'anàlogu suo Ghjuvan Guidu Talamoni, ant a leare parte finas sos retores de sas universidades de ambas ìsulas.

Brexit, unas cantas chistiones a un'annu dae s'Oxi gregu

de Màuru Piredda

 

Deretos alarabiya. Url imàgine

 

A un'annu dae s'Oxi gregu e a belle duas chidas dae sa Brexit b'at galu unas cantas chistiones in sa mesa chi meressent prus de un'aprofundimentu.

Facebook in sardu: sos promotores pretendent rispetu pro s'idea e pro su traballu issoro

Retzimus e publicamus dae su grupu de "FB in Sardu"

«Semus bènnidos a ischire chi eris sero sos mèdios de comunicatzione ant cumpartzidu una noa subra sa faina de Facebook in Sardu.

Cherimus comunicare chi, cando at a èssere, amus a èssere nois de "FB in Sardu" a annuntziare sas noas chi pertocant sas atividades de sa pàgina e de su grupu, non su CSU.

Sa faina de "FB in Sardu" est nàschida gràtzias a s'impinnu de 5 giòvanos chi, cun sa punna de àere una versione de Facebook in limba sarda, sunt resèssidos a collire a pare 20mìgia persones. A sas tradutziones bi sunt traballende sos tzitadinos sardos chi ant manifestadu sa voluntade e su disìgiu de àere una versione sarda de sa rete sotziale prus manna de su mundu. Tzitadinos lìberos o organizados in grupos de traballu chi, sena perunu interessu o fortzadura, ant detzisu de si pònnere a disponimentu cun su contributu issoro.

Semus cumbintos chi su CSU (Coordinamentu pro su sardu ufitziale) si nch'apat pigadu sos mèritos sena los tènnere e invitamus a Pepe Coròngiu e a sos àteros responsàbiles de su movimentu a s'abarrare in tretos issoro, a s'ocupare de sas fainas issoro e a no isfrutare sas angenas pro unu bìculu de visibilidade in prus.


Su diretivu de FB in Sardu»

Germània e Frantza a s'àtera semifinale

de Màuru Piredda

Incarca subra de s'imàgine pro l'ismanniare

Sa Germània e sa Frantzia ant binchìdu in sos cuartos contra a s'Itàlia e a s'Islanda e nche sunt cròmpidas a sa segunda semifinale de custu campionadu, sa de su 7 de trìulas.

Portugallu e Galles nche crompent a sa semifinale de su 6 de trìulas

de Màuru Piredda

Incarca subra de s'imàgine pro l'ismanniare

Su Portugallu e su Galles, binchende in sos cuartos contra a sa Polònia e a su Bèlgiu, nche crompent a sa prima semifinale de su campionadu europeu de fùbalu. S'àtera semifinale at a èssere intre sos chi ant a bìnchere sos disafios de oe (Germània – Itàlia) e de cras (Frantza – Islanda).

Mialinu Pira e Joseph Heller. Òmines distantes epuru a curtzu meda

de Maurìtziu Sale

Mialinu Pira e Joseph Heller

Su noighentos est istadu sèculu nòdidu pro sa literadura mundiale. Froeddas literàrias e poèticas brotaiant pagu prus o mancu in totue. No est cosa a los mentovare totus. Bi diat chèrrere un’àteru sèculu petzi pro bi reventire a li dare unu sestu a s’elencu. Cunforma a sa capatzidade chi  cadaunu tenet de apretziare sa bellesa e s’arte, bi podet àere autore mègius o peus, ma unos cantos nche bàrigant a beru su liminàrgiu de sa genialidade. Duos subra de sos àteros meressent unu mentovu particulare fintzas si unu cun s’àteru paret chi non b’intrent belle nudda.