Sas amichèvoles de su Casteddu sunt cumintzadas oe cun sa partida contra a sa rapresentativa locale. Sos òmines de Rastelli ant saludadu sos 500 sustenidores presentes in sas tribunas cun 16 gol, oto in su primu tempus e àteros oto in su segundu.
Su Casteddu nche marcat tres gol in chimbe minutos. Sas dantzas cumintzant a su de 11 minutos cun unu tiru de penalidade trasformadu in gol dae Joao Pedro, posca, a su 15 est Giannetti a raddopiare. Unu minutu a pustis torra s'atacante toscanu nche marcat su de tres. Sa dopieta la otenet fintzas Joao Pedro chi, a su de 20 minutos nche marcat su de bator. A su de 32, a su de 34 e a su de 38 minutos sunt Joao Pedro (pro sa de tres bortas), Tetteh e Di Gennaro a devènnere protagonistas. Farias nche serrat su contu de su primu tempus a oto.
In su segundu tempus ambos sos allenadores mudant sas iscuadras, cambiende totu sos giogadores, ma sa mùsica est semper sa matessi. A pustis de su momentu Deiola-Pajac-Dejola-Dejola a su de 57, a su de 59, a su de 62, e a su de 71 minutos arribat su turnu de Cop chi, a su de 74 nche ponet a intro unu passàgiu traessu de Russu. Nche tancant sos giogos Capello pro duas bortas e Pajac.
Formatziones
U.S. Pieve di Bono: Angeli, Rosa (46' Salvotti), Gabbia (46' Nicolini), Bazzoli (46' L. Pellizzari), Collini, M. Armani (46' A. Pellizzari), Rubes (46' Bugna), Gualdi (46' Maestri), Filosi (46' Panelatti), S. Nicolini (46' Pupella), Menghini.
Casteddu: Storari (46' Rafael), Padoin (46' Russu), Salamon (46' Krajnc), Capuano (46' Ceppitelli), Murru (46' Pisacane), Tetteh (73' Vasco Oliveira), Di Gennaro (46' Deiola), Ionita (46' Munari), Joao Pedro (46' Pajac), Giannetti (46' Capello), Farias (46' Cop).
Gol: 11’ Joao Pedro (p.), 15’ e 16’ Giannetti, 20’ e 32’ Joao Pedro, 34’ Tetteh, 38’ Di Gennaro, 44’ Farias, 57’ Deiola, 59’ Pajac, 62’ e 71’ Deiola, 74’ Cop, 75’ Capello, 87’ Pajac, 90 Capello.
