Cumintzat oe in Pejo sa preparatzione atlètica de sos òmines de Massimo Rastelli pro s'istajone 2016/2017 de fùbalu. S'iscuadra at a istare in s'albergu Kristiania, a curtzu a su campu de allenamentu.
Su calendàriu finas a su 10 de austu at a èssere fitianu, in manera de nche cròmpere in forma a sas partidas de Copa Itàlia de su 13-14 de su mese chi intrat.
Sos giogadores cunvocados dae s'allenadore pro custa fase de sa preparatzione sunt:
Colombo, Crosta, Rafael, Storari, Balzano, Capuano, Ceppitelli, Krajnc, Murru, Pisacane, Salamon, Russu, Vasco Oliveira, Deiola, Dessena, Di Gennaro, Ionita, Munari, Pajac, Joao Pedro, Padoin, Tetteh, Capello, Cop, Farias, Giannetti, Melchiorri, Sau.
Alves e Barella pro como sunt impinnados cun sas natzionales issoro e ant a èssere a disponimentu dae sas dies imbenientes.
