 |
| Wikimedia |
In is retes sotziales ddoe at chie at giai mudadu una fràsia nòdida bogada dae una pellìcula de Sergio Leone: «Cando un'afroamericanu s'imbenit a unu politziotu armadu, s'afroamericanu est un'òmine mortu».
S'ùrtimu est Mansur Ball-Bey, unu pitzocu de 18 annos fertu a morte in
Saint Louis, in s'istadu de su Missouri.
A su chi narat sa politzia,
Mansur e un'amigu si sunt fuidos dae una ghenna de palas in s'ìnteri chi
ddis fiant percuisende sa domo. In sa segudada sunt bolados bator
corfos de pistola. Nât chi est istadu unu de is duos giòvanos a
comintzare a isparare. Pagas iscutas in antis de s'acadessimentu ddoe
aiat un'imbènnida tzìvica pro ammentare sa morte de Kajieme Powell, sete
annos prus betzu de Mansur e ochidu dae sa politzia sa matessi die de
s'annu coladu. In sa tzitade americana, in ue luego at mòvidu una
manifestatzione de protesta, ddoe at tensione manna. Su 9 de austu in
Arlington (Texas), a un'annu dae s'ochidòrgiu de Michael Brown in
Ferguson (bete de cointzidèntzias), un'agente de politzia at mortu su
19enne afromericanu Christian Taylor a segus de una briga. Pagas oras a
pustis, in Ferguson, sa sorte est tocada a su 15enne Andrew Green,
afroamericanu issu puru.
