Su guvernu de Washington, su 16 de ghennàrgiu de su 1920, cun un'emendamentu, proibit sa fabbricatzione, s'importatzione, su cummèrtziu e su trasportu de s'alcol. Totu est acontèssidu gràtzias a sa pressione forte de grupos religiosos nòdidos pro moralismu e fundamentalismu estremu. Movimentos chi resessiant a mòvere sas pedinas de sos disinnos polìticos de su guvernu. Sa die in fatu de su provedimentu su preju de sos alcòlicos nche pigheit a sos isteddos e s'ismannieit su mercadu de contrabbandu.
