 |
| Marco Polo imprentadu in sos milli francos |
Nàschidu in Venètzia in su 1254, si nche morgeit in die de oe 70 annos a
pustis. Marco Polo, mercante e biagiadore, nch'est coladu a s'istòria
pro àere carcadu (in pare cun su babbu Niccolò e su tziu Matteo) su caminu de sa seda
e pro nos àere contadu, mancari tràmite su càlamu de Rustichello da
Pisa, s'istòria, sa geografia, sa sièntzia e sa polìtica de s'Àsia de
s'època mesana. Gràtzias a su “Milione” Fra
Mauro reventeit (pagu prus o mancu in su 1450) a nch'istèrrere su
planisferu suo. Ma su biàgiu de Marco Polo ispireit finamentas a
Cristoforo Colombo, su genovesu cumbintu de nche cròmpere a Catai (sa
Tzina setentrionale comente la mentovaiat su venetzianu) dae sas abbas
de s'Atlànticu. Dae su 1982 su retratu de Marco Polo nche lu pongeint in
sos billetes de milli francos (cursu legale finamentas a su 1995).
