de Màuru Piredda
 |
| Deretos calciomercato.com |
Sa noa paret cunfirmada, a su chi si narat mancat petzi s'ufitzialidade: su portieri Marco Storari s'at a imbarcare conca a Milanu pro torrare a onorare sa divisa milanista a pustis de l'àere bestida tres bias in su 2007 e sete in su 2009. A defensare sa porta ruju-biaita su brasilianu Gabriel Vasconceiro Ferreira, mègius connotu petzi che a Gabriel. Isvanessit su bisu de àere intre sos palos su portieri sardu Sarvadore Sìrigu, thiniscolesu de su Paris Saint Germain prestadu a su Sevilla. Intre lunis e martis sas bìsitas mèigas e sa prus chi non probàbile cunfirma.
