Su vetore irlandesu, tràmite su responsàbile pro s'Itàlia de bèndida e cummèrtziu, at annuntziadu s'ativatzione de duas rotas noas dae s'aeroportu de Su Masu: sunt sa de Parma e sa de Londra (aeroportu de Luton).
Sa cumpangia de Dublinu at a ativare sa lìnia cun sa tzitade italiana dae sa prima die de su mese de nadale. Su collegamentu cun Londra Luton, imbetzes, at a cumintzare su chimbe de ghennàrgiu de su 2017. Ambas sas destinatziones ant a tènnere una frecuèntzia de duas bortas sa chida. Posca, dae sa prima die de abrile de su 2017, ant a crèschere a tres bortas sa chida.
Sos billetes sunt giai a disponimentu e sunt in oferta finas a su 31 de custu mese.
