 |
| Incarca subra de s'imàgine pro l'ismanniare |
Sa Germània e sa Frantzia ant binchìdu in sos cuartos contra a
s'Itàlia e a s'Islanda e nche sunt cròmpidas a sa segunda semifinale de
custu campionadu, sa de su 7 de trìulas.
Tedescos in vantàgiu a
belle vinti minutos dae su comintzu de su segundu tempus gràtzias a
Ozil. Su parègiu biaitu a su de 78 cun Bonucci (rigore cajonadu dae unu
fallu de Boateng cun sa manu). Non sunt bastados sos tempos
regulamentares, e nemmancu sos suplementares:
sa partida l'ant detzisa sos tiros dae sos 11 metros. Pro sos alemannos
de Joachim Löw ant signadu Kroos, Draxler, Hummels, Kimmich, Boateng e
Hector. Si l'ant faddida Muller, Ozil e Schweinsteiger. Insigne,
Barzagli, Giaccherini, Parolo e De Sciglio sos marcadores biaitos. De
giudu mannu a sos teutònicos sos errores de Zaza, Pellè, Bonucci e
Darmian.
5-2 su resurtu intre sa Frantza e s'Islanda. Transalpinos in possa cun bator gol (subra de chimbe tiros) in su primu tempus: Giroud a su de 12 minutos, Pogba a su de 19, Payet a su de 42 e Griezmann a su de 45. Nât chi est sa prima bia chi acontesset una proa che a custa. A deghe minutos dae su comintzu de su segundu tempus s'Islanda at reduidu su vantàgiu frantzesu cun Sigthorsson, ma a su de 59 Giroud nche l'at torrada a ghetare a intro. A su de 84 s'Islanda at signadu sa segunda rete sua cun Bjarnason. Ma oramai su tempus nche fiat coladu.
