 |
| Incarca subra de s'imàgine pro l'ismanniare |
Eris ddoe at àpidu sete eletziones primàrias in chimbe istados Iua: tres pro is democràticos (Kansas, Louisiana e Nebraska) e bator pro is republicanos (Kansas, Kentucky, Lousiana e Maine). Hillary Clinton e Donald Trump non si nch'ant pigadu totu su chi ddoe aiat. Difatis Sanders at bìnchidu in Kansas e Nebraska lassende a Clinton sa Lousiana. Semper e cando su "sotzialista de su Vermont" nch'est galu a tesu dae s'ex first lady. In su campu republicanu Cruz at conchistadu su mesu de is istados a disponimentu (Kansas e Maine). Su senadore texanu non tenet dudas: «S'anti-Trump so deo. Rubio e Kasich, dage·bos a un'ala».
