de Lisandru Beccu
 |
| Deretos greenstyle. Url imàgine |
Su noe de martzu, a
pagas dies dae su de chimbe anniversàrios de su tsunami e de sa disaura
nucleare de Fukushima, unu tribunale loclae at ordinadu de serrare duos
de sos bator reatores chi aiant torradu a ativare. A
pustis de sa disaura, totu sos 54 reatores nche los istudeint. Tocaiat
de impònnere normas de seguràntzia prus graes. Su Giapone, duncas, pro
pagu prus o mancu duos annos, at fatu a mancu de s'energia nucleare,
impreende petzi fontes fòssiles. Posca, in su mese de austu de su 2015,
torreint a allùere duos reatores. Àteros duos torreint a prodùere
energia dae sos primos meses de ocannu, ma sunt sos chi su tribunale
cheret firmare.
S'ordinàntzia no est agradèssida a su
primu ministru Shinzō Abe chi, diat chèrrere torrare deretu a prodùere
energia nucleare, mancari una parte manna de s'opinione pùblica non siat
a favore. Sa Kensai Electric chi gestit sa tzentrale, imbetzes, at giai
detzisu de fàghere apellu contra a s'ordinàntzia.
Chimbe
annos a como, su tsunami cajoneit 16mìgia mortos e 350 milliones de
evacuados. B'at 60mìgia pessones chi sunt ancora allogadas in istruturas
provisòrias. Non si resessent a carculare sos dannos a s'ambiente. Non
s'ischit ite nde fàghere de 700 milliones de metros cubos de terra
radiativa. Pro como l'ant lassada in cue, in intro de sacos nieddos, a
inghìriu de sa tzentrale.
In prus dae sos reatores sighit a essire
abba cuntaminada. In intro sa situatzione est ancora crìtica, a su
puntu chi nemmancu sos robot bi podent intrare.
