 |
| Deretos Ansa URL imàgine |
Est acontèssidu - paret - a probe de Damasco. Trèighi sos bombardamentos in intro de note, a est de sa capitale. Istende a su chi decrarat s'Osservatòriu de sos deretos umanos (Ong cun sede in Lìbanu), a Zahran Alloush l'ant mortu in intro de unu palatzu de Ghouta Est, in ue b'aiat un'addòbiu - paret - pro chircare su mèdiu de torrare a aunire sas duas fatziones internas contràrias a su regime de Assad. Fatziones chi, cun su tempus, si nche fiant ischirriadas.
S'assàchiu est cròmpidu dae su chelu, de repente, sena lassare peruna ispera a sos chi bi fiant in intro. Paret chi b’apat mortu finas àteros cabos de minoria, ma pro como non b’at peruna cunfirma ufitziale. Alloush, classe 1971, nàschidu in Douma, fiat unu intre sos cabos prus potentes de sa rebellia siriana. Ghia de su grupu Jaysh al Islam (Esèrtzitu de s’Islam)chi controllat su bonu de sos apendìtzios esternos de Damasco.
A su chi at difùndidu s'emitente libanesa Al-Mayadeen, sunt istados trèighi sos bombardamentos de eris subra de sa capitale siriana. Sena acrarire, però si fiant de màdrighe russa. Sa morte de Alloush l’ant cunfirmada fintzas in twitter, sos de sa Coalitzione Natzionale de s'oppositzione siriana.
