 |
| Deretos lìberos. Url imàgine |
Sos bolos pro s'Egitu de sas cumpangias russas sunt suspesos pro
paritzos meses a cajone de sa disaura chi est acontèssida su 31 de
Santugaine. Unu Airbus de sa cumpangia Metrojet si nche fiat rutu
ochiende 224 pessones. Su cabu de s'amministratzione presidentziale
moscovita, Sergej Ivanov, at naradu chi pro como custa est una mesura de
precautzione.
S'ipòtesi chi sunt valutende sos investigadores est chi
in su bolu A321 b'apat esplòdidu una bomba e chi nche l'apat imbarcada
unu collaboradore de s'Is chi traballaiat in s'aeroportu de Sharm el
Sheikh.
Su ministru egitzianu de sos èsteros Shoukry, at giai comunicadu
chi at a atzetare sa rechesta americana pro leare parte a sas
indàgines. "Nois no amus a cuare nudda, amus a èssere cantu prus
trasparentes" at agiuntu su presidente Abdel Fattah al Sisi.
In
s'ìnteri, in sos Istados unidos sunt creschende sos controllos a su
personale chi intrat e chi essit dae sas zonas sena bardiamentu. Semus
faeddende de 900mìgia dipendentes partzidos in 450 iscalos de totu su
paisu.
