de Lisandru Beccu
Biddanoa de Forru, una bidda de pagu prus o mancu 600 pessones. Inoghe, comente in totu sas biddigheddas minores, si bivet sulenos, sena presse, sos ritmos sighint sa lughe de su sole, a tempus, dae s'arbèschida finas a s'intirinada. Una parte manna de sa populatzione nch'est manna, prus chi no àteru pensionados, ma galu ativos e afainados. Dae sas noe de su mangianu cumintzat a b'àere agigu de movimentu, ma non meda. Intro a una butega.
Est comente mi l'aia immaginada, minoredda, ma cun unu muntone de cosa, dae su pane a sos cogàrgios, dae sa frùtora a sas cafeteras, paret chi non b'apat nudda, ma b'at totu. Sa mere si leghet su giornale e isetat clientela noa. “In antis gente giai bi nd'aiat – narat – como non b'at prus nudda, semus pagos, dae foras calicunu cada tantu benit a visitare su museu, ma cando torrat s'ierru bi semus petzi nois”. Su museu est in sa pratza printzipale, cara a sa crèsia de santu Frantziscu, in Pratza de Costitutzione. Inoghe apo connotu a Dume e a Amir, duos emigrantes, duos pitzocos de 17 e 18 annos chi ant àpidu sa fortuna manna de si nche pòdere fuire dae sas violèntzias e dae sa povertade de sa terra issoro. Si nche setzent in sas cadreas de su tzilleri e abarrant in cue totu su mangianu, non bident s'ora de si collegare a sa lìnia wi-fi de su tzilleri e, che a issos, àteros paritzos, forsis una bintina. Cada mangianu movent dae su palatzu in ue nche sunt allogados, a pee, ponende passos pro una paja de chilòmetros. Difatis sa domo in ue istant nch'est a tesu dae sa bidda, in su cùcuru de unu montigru minoreddu, duncas pro nche cròmpere a sa “tziviltade” bi cheret su tempus suo. “Nos dant duos èuros e chimbanta a sa die – narat Amir – ma semus chirchende de nos los costoire ca una borta chi amus a tènnere sos documentos nos nche cherimus andare”. Sos emigrantes in Biddanoa de Forru sunt pagu prus o mancu unos 80, sunt sos chi, unu mangianu de sa chida colada, ant fatu protesta, ca dae su mese de Cabudanni non retziant una sesina. Est pagu dinare, ma lis bisòngiat fintzas pro mutire a sos familiares chi nche sunt abarrados in Àfrica. “Non pensaìamus de nche fèrrere in unu giassu gosi ispèrdidu, inoghe non b'at traballu, deo chèrgio tzucare a Fràntza – narat Dume – in ie bi connosco gente”. Pro como issu e àteros si devent cuntentare de sas partidas de fùbalu. A borta de die totus a su campu isportivu, si giogat!
Su giogu de sa botza, giai s'ischit chi no agradat a totus, difatis, sos chi non bi tirant faghent àteru. B'at chie andat a agiuare a tziu Martine a carrare s'abba pro s'iscra, chie agiuat a tzia Tònia cun s'ispesa e chie andat a rodeu peri sas festas cun Larentu e Titziana. Cadaunu faghet carchi cosa, non b'abarrant a manos iscutas, issos ringràtziant sa comunidade e sa comunidade lis torrat gràtzias.
In s'ìnteri sa vida in sa bidda sighit comente sighiat in antis, cun sas matessi fainas, cun su matessi ispìritu. Nemos at subidu violèntzias, nemos at pèrdidu su traballu, nemos at batidu maladias, a dispetu de sas malintragnas de tzertos giornales e de unos cantos polìticos.
*Totu sos nùmenes sunt de fantasia
 |
| Deretos sa gazeta |
Biddanoa de Forru, una bidda de pagu prus o mancu 600 pessones. Inoghe, comente in totu sas biddigheddas minores, si bivet sulenos, sena presse, sos ritmos sighint sa lughe de su sole, a tempus, dae s'arbèschida finas a s'intirinada. Una parte manna de sa populatzione nch'est manna, prus chi no àteru pensionados, ma galu ativos e afainados. Dae sas noe de su mangianu cumintzat a b'àere agigu de movimentu, ma non meda. Intro a una butega.
Est comente mi l'aia immaginada, minoredda, ma cun unu muntone de cosa, dae su pane a sos cogàrgios, dae sa frùtora a sas cafeteras, paret chi non b'apat nudda, ma b'at totu. Sa mere si leghet su giornale e isetat clientela noa. “In antis gente giai bi nd'aiat – narat – como non b'at prus nudda, semus pagos, dae foras calicunu cada tantu benit a visitare su museu, ma cando torrat s'ierru bi semus petzi nois”. Su museu est in sa pratza printzipale, cara a sa crèsia de santu Frantziscu, in Pratza de Costitutzione. Inoghe apo connotu a Dume e a Amir, duos emigrantes, duos pitzocos de 17 e 18 annos chi ant àpidu sa fortuna manna de si nche pòdere fuire dae sas violèntzias e dae sa povertade de sa terra issoro. Si nche setzent in sas cadreas de su tzilleri e abarrant in cue totu su mangianu, non bident s'ora de si collegare a sa lìnia wi-fi de su tzilleri e, che a issos, àteros paritzos, forsis una bintina. Cada mangianu movent dae su palatzu in ue nche sunt allogados, a pee, ponende passos pro una paja de chilòmetros. Difatis sa domo in ue istant nch'est a tesu dae sa bidda, in su cùcuru de unu montigru minoreddu, duncas pro nche cròmpere a sa “tziviltade” bi cheret su tempus suo. “Nos dant duos èuros e chimbanta a sa die – narat Amir – ma semus chirchende de nos los costoire ca una borta chi amus a tènnere sos documentos nos nche cherimus andare”. Sos emigrantes in Biddanoa de Forru sunt pagu prus o mancu unos 80, sunt sos chi, unu mangianu de sa chida colada, ant fatu protesta, ca dae su mese de Cabudanni non retziant una sesina. Est pagu dinare, ma lis bisòngiat fintzas pro mutire a sos familiares chi nche sunt abarrados in Àfrica. “Non pensaìamus de nche fèrrere in unu giassu gosi ispèrdidu, inoghe non b'at traballu, deo chèrgio tzucare a Fràntza – narat Dume – in ie bi connosco gente”. Pro como issu e àteros si devent cuntentare de sas partidas de fùbalu. A borta de die totus a su campu isportivu, si giogat!
Su giogu de sa botza, giai s'ischit chi no agradat a totus, difatis, sos chi non bi tirant faghent àteru. B'at chie andat a agiuare a tziu Martine a carrare s'abba pro s'iscra, chie agiuat a tzia Tònia cun s'ispesa e chie andat a rodeu peri sas festas cun Larentu e Titziana. Cadaunu faghet carchi cosa, non b'abarrant a manos iscutas, issos ringràtziant sa comunidade e sa comunidade lis torrat gràtzias.
In s'ìnteri sa vida in sa bidda sighit comente sighiat in antis, cun sas matessi fainas, cun su matessi ispìritu. Nemos at subidu violèntzias, nemos at pèrdidu su traballu, nemos at batidu maladias, a dispetu de sas malintragnas de tzertos giornales e de unos cantos polìticos.
*Totu sos nùmenes sunt de fantasia
