 |
| www.govt.nz |
Sa vitòria de s'“Aye” in Iscòtzia, in su referendum de s'atòngiu coladu, aiat pòdidu mudare sa Union Jack, sa bandera de su Regnu unidu formada dae is rughes de santu Andria (bianca subra de unu campu asulu), de santu Patrìtziu e de santu Giorgi (rujas subra de unu campu biancu). Piticu s'imbòligu!
Ma sigomente paret chi
non nche siant galu cròmpidos is tempos pro s'indipendèntzia de Alba, sa
Union Jack at a sighire a abarrare de aici. Finamentas in àteras
banderas isparghinadas peri su mundu. Difatis est bastante a pensare chi
cussa cumpositzione cromàtica dd'agatamus in unos cantos territòrios
controllados dae sa reina. Ma peri in carchi natzione indipendente, a
comintzare dae unos cantos paisos de s'Otzeània.
In cussos chirros,
però, ddoe at prus de una proposta pro nche catzare s'emblema
monàrchicu. Est su casu de s'Austràlia (in ue sa batalla est giuta a dae
in antis dae is chi bolent sa repùblica), ma peri de sa Zelanda Noa. In
tretos de Wellington sa dibata pro unu càmbiu radicale andat a dae in
antis dae sa segunda gherra mundiale ma imoe is abitantes de sa “terra
de mare” podent detzìdere a manera definitiva.
A pustis de àere retzidu prus de 10mìgia propostas, su grupu de espertos incarrigadu at fatu una primu lista de 39 banderas. Su primu de cabudanni su vitze primu ministru Bill English, in su museu natzionale Te Papa Tongarewa de sa capitale at, in fines, presentadu sas bator finalistas: tres ponent in evidèntzia una fògia de fìlighe; petzi una cuntenet su koru, pàraula maori chi de sa fìlighe inditat sa brota.
A pustis de àere retzidu prus de 10mìgia propostas, su grupu de espertos incarrigadu at fatu una primu lista de 39 banderas. Su primu de cabudanni su vitze primu ministru Bill English, in su museu natzionale Te Papa Tongarewa de sa capitale at, in fines, presentadu sas bator finalistas: tres ponent in evidèntzia una fògia de fìlighe; petzi una cuntenet su koru, pàraula maori chi de sa fìlighe inditat sa brota.
Dae su 20 de
ladàmini a s'11 de su mese de idas is neozelandesos podent seberare cale
de custas bator nch'at a cròmpere a su sèberu finale: in su mese de
martzu de su 2016 amus a ischire si sa bandera natzionale at a abarrare
sa chi est o un'àtera.
