Zelanda Noa, unu fìlighe de prata disafiat s'Union jack

de Màuru Piredda

Incarca subra de s'imàgine pro l'ismanniare

Su 3 de su mese ch'intrat, is tzitadinos neozelandesos ant a retzire a domo un'ischeda, a tales chi potzant detzìdere si mantènnere o nono s'Union jack in sa bandera currente. Dae s'11 nche dd'ant a dèpere torrare a imbiare cun su sèberu issoro. S'alternativa a sa chi tenent imoe (ufitziale dae su 1902 ma introduida in su 1869) est rapresentada dae unu fìlighe de prata, sìmbulu identitàriu de cussa terra reconnotu a livellu internatzionale. Sa fògia si subraponet a un'isfundu nieddu (colore onoradu a manera dèghida dae sa natzionale de rugby) e biaitu (che a su chelu e a s'otzèanu). Abarrat sa "Rughe de su Sud", sa costellatzione visìbile feti in s'emisferu australe. Sa Zelanda noa, duncas, indipendente dae su Rennu unidu dae su 1907, tenet s'oportunidade de nche pònnere a banda is rughes britànnicas.

Zelanda Noa, càmbiu de bandera? Is abitantes de sa “terra de mare” dd'ant a detzìdere in su mese de martzu de su 2016

de Màuru Piredda

www.govt.nz

Sa vitòria de s'“Aye” in Iscòtzia, in su referendum de s'atòngiu coladu, aiat pòdidu mudare sa Union Jack, sa bandera de su Regnu unidu formada dae is rughes de santu Andria (bianca subra de unu campu asulu), de santu Patrìtziu e de santu Giorgi (rujas subra de unu campu biancu). Piticu s'imbòligu!