de Lisandru Beccu
 |
| Wikimedia |
Sos isbarcos de custas dies ant torra postu in pensamentu mesu Europa
pro su chi pertocat sa gestione e sa partzimenta de sas cuotas.
Difatis, sa chida colada, sos “biàgios de s'isperàntzia” in su
Mediterràneu sunt aumentados a cajone de su tempus bonu e de sas
cunditziones favorèvoles de su mare. Petzi eris e gianteris dae s'ala de
sos Balcanos b'at intradu 8.000 pessones e àteras 4.000 dae sa banda de
su canale de Sitzìlia.
Angela Merkel e Francois Hollande oe s'ant
a imbènnere in Praga pro faeddare fintzas de sa gestione de sos
pròfugos. Su Ministèriu de sos Èsteros de Parigi at naradu: “cherimus dare un'impèllida noa a su chi amus disinnadu de reghente e a prospetivas noas chi si sunt presentadas”.
Su continente tenet craru s'atinu chi est cara a s'emergèntzia de emigrantes prus manna de sos ùrtimos 50 annos.
