 |
| Deretos rpdefense URL imàgine |
Sa giustìtzia andat a dae in antis. Cun pasu, sena presse, a s’italiana diamus nàrrere, ma avantzat. A bias sos resurtados arribant e sunt a favore de sa parte tzivile. Su prus sunt contra, ma no oe. Oe, pro sa famìlia de Sarvadore Vacca - caporale majore de Nuxis (Casteddu), mortu a cajone de s’uràniu impoveridu - est una die de giustìtzia. No est una die galana, non de cuntentesa e mancu de vàllia si no esseret pro s’entidade de sa rifata chi s’istadu italianu, su Ministèriu de sa defensa in particulare, l’at a reconnòschere: unu millione e mesu de èuros.
