 |
| Deretos: Marisol Ramirez | Argazki Press |
Sa manifestatzione de eris in Bilbao at collidu a pare belle 100mìgia persones. Babbos, mamas e fìgios, punta a dae in antis, pro sustènnere sos deretos de sos presoneris polìticos bascos (los presos vascos).
«Euskal presoak etxera». Fiat custu s'islogan chi curriat in sos passaditzos de calle Autonomía e de calle Hurtado de Amezaga. Sa protesta, indiritzada a sos guvernos frantzesu e ispanniolu, nch'est totu in una solutzione pro sos detenudos e pro sas famìlias issoro chi sunt custrintas a praticare mìgias de chilòmetros pro andare a los visitare a presone. Distàntzias fintzas de 900 o de 1000 chilòmetros chi pertocant presones de su meridione ispanniolu e de su setentrione frantzesu. Sa rechesta, in pagas paràulas, est sa de fàghere aplicare sa territorialidade de sa pena.
Pro manifestare sa solidariedade issoro ant leadu parte a s'eventu fintzas sos rapresentantes polìticos de EH Bildu, de Podemos Euskadi, de ERC, de CUP e de Udalbiltza.
Sa risposta de Parigi est arribada giai custu mangianu cun un'addetu de su Ministeru de sa Giustìtzia, comunichende chi sas chidas imbeniente ant a pònnere manu a sa faina averguende sos casos unu in borta.
