Su chi ischimus de su referendum catalanu est su resurtu de sa voluntade nostra de nos informare lassende·nche a banda su fràigu narrativu de sas redatziones Rai e privadas. Su chi ischimus est chi sa Repùblica catalana non podet èssere unu “next state” de custa Europa chi meda at fatu pro cajonare balcanizatziones e gherras e meda faghet pro impedire a unu pòpulu de s’espressare a sa bona. Su chi ischimus est chi su bonu de sos parlamentares catalanos si fiat espressadu contra a Maduro chi imbetzes su referendum a s’opositzione bi l’at lassadu fàghere. Su chi ischimus est chi sos de sa manca garzoniana e iglesista faeddeint de referendum “pactado” (cun chie?) e sighida bi l’at Colau pedende – de badas – sa mediatzione de Bruxelles. Su chi ischimus, a cantu paret, est chi non bi podet àere autedeterminazione populare in intro de sa guarnissa chi connoschimus. Cada avantzada de su protzessu catalanu rapresentat non petzi una disaura pro sa pagu “grande” e prus pagu “libre”, ma finamentas pro s’Ue galu in intro de s’afàriu Brexit. E su chi no ischimus ite est?
Movamus cun òrdine. Sa reatzione de s’istadu ispagnolu si podiat evitare? Nono. Ca rees e rajois non podent bajulare sa partzidura de su territòriu istatale chi controllant. Nen lassare campu lìberu a unu pretzedente imitàbile in tretos bascos, galitzianos e finamentas andalusos. Sa cobertura legale b’est totu canta, a dae chi sa costitutzione de su ‘78 est prus chi non crara in contu de làcanas.
Ma non s’at a pòdere evitare nemmancu su restu. A como b’amus una rivolutzione polìtica: unu fronte interclassista abbratzat sa càusa natzionale e ponet in agenda su fràigu de sa Repùblica. Una Repùblica cun una Costitutzione indeorada dae unos cantos printzìpios progressistas.
Inoghe tocat de abèrrere una parèntesi e pigare in manos su libru de Rescigno (“Costituzione italiana e stato borghese”) pro cumpèndere chi, mancari siat “sa prus galana de su mundu”, su poderiu nch’est in manos de pagos si a cussos pagos bi lu permitimus.
Tancada sa pàrentesi tocat de abèrrere s’isportellu de sa màchina de su tempus e a nche cròmpere a cando Lenin naraiat a sos chi isetaiant sa rivolutzione sotziale pura chi «no l’ant a bìdere mai».
Torrados a su 2017 bidimus chi, a como, b’at unu dualismu de poderios de màdrighe natzionalista: una natzione contra a s’àtera; su tzentralismu madrilenu contra a sa Generalitat chi si cheret furriare a res publica de sos catalanos. Ma sa classe burghesa che a sa chi prus de unu bisat inoghe in Sardigna, cantu at a èssere a disponimentu de sa càusa natzionale catalana?
At iscritu Nicolò Migheli chi fiat a su nessi bintighimbe annos sena bìdere «un numero impressionante» de banderas rujas bentulende cun farche e marteddu. E s’in casu s’isvilupet s’isciòperu generale? E si sos comitados in defensa de su referendum furriarent a embriones de poderiu populare? Cale diat èssere su ruolu de sos Mossos?
A s’ispissu, in manera mecànica, si narat chi sas làcanas natzionales partzint su movimentu operaju, ma non si podet cuare unu fatu: sa càusa catalana, oe, in cue, est sa càusa de sos chi chi cherent derrùere sa monarchia borbònica e su regime post-franchista de su ‘78.
Movamus cun òrdine. Sa reatzione de s’istadu ispagnolu si podiat evitare? Nono. Ca rees e rajois non podent bajulare sa partzidura de su territòriu istatale chi controllant. Nen lassare campu lìberu a unu pretzedente imitàbile in tretos bascos, galitzianos e finamentas andalusos. Sa cobertura legale b’est totu canta, a dae chi sa costitutzione de su ‘78 est prus chi non crara in contu de làcanas.
Ma non s’at a pòdere evitare nemmancu su restu. A como b’amus una rivolutzione polìtica: unu fronte interclassista abbratzat sa càusa natzionale e ponet in agenda su fràigu de sa Repùblica. Una Repùblica cun una Costitutzione indeorada dae unos cantos printzìpios progressistas.
Inoghe tocat de abèrrere una parèntesi e pigare in manos su libru de Rescigno (“Costituzione italiana e stato borghese”) pro cumpèndere chi, mancari siat “sa prus galana de su mundu”, su poderiu nch’est in manos de pagos si a cussos pagos bi lu permitimus.
Tancada sa pàrentesi tocat de abèrrere s’isportellu de sa màchina de su tempus e a nche cròmpere a cando Lenin naraiat a sos chi isetaiant sa rivolutzione sotziale pura chi «no l’ant a bìdere mai».
Torrados a su 2017 bidimus chi, a como, b’at unu dualismu de poderios de màdrighe natzionalista: una natzione contra a s’àtera; su tzentralismu madrilenu contra a sa Generalitat chi si cheret furriare a res publica de sos catalanos. Ma sa classe burghesa che a sa chi prus de unu bisat inoghe in Sardigna, cantu at a èssere a disponimentu de sa càusa natzionale catalana?
At iscritu Nicolò Migheli chi fiat a su nessi bintighimbe annos sena bìdere «un numero impressionante» de banderas rujas bentulende cun farche e marteddu. E s’in casu s’isvilupet s’isciòperu generale? E si sos comitados in defensa de su referendum furriarent a embriones de poderiu populare? Cale diat èssere su ruolu de sos Mossos?
A s’ispissu, in manera mecànica, si narat chi sas làcanas natzionales partzint su movimentu operaju, ma non si podet cuare unu fatu: sa càusa catalana, oe, in cue, est sa càusa de sos chi chi cherent derrùere sa monarchia borbònica e su regime post-franchista de su ‘78.
