de Màuru Piredda
Crotone, istàdiu Ezio Scida. Sos de Rastelli nche crompent a
Calàbria pro sa de 26 giorronadas de su campionadu màssimu de fùbalu cun
un'obietivu ebbia: torrare a bìnchere a pustis de duas derrotas e tres
parègios.
Ma a pustis de feti 9 minutos Stoian marcat su gol de su
vantàgiu crotonesu: botza serbida dae Trotta e fusilada conca a sa porta
cun su pee mànchinu. Su parègiu sardu a su de 31 minutos cun Joao Pedro
chi isfrutat una faddina de Claiton.
Sas iscuadras lassant su campu pro su pasu intre sos duos tempos a
pustis de unu giogu controlladu dae sos meres de domo. In sa segunda
fase de su disafiu, a pustis de unas cantas atziones dae banda de ambas
formatziones, Rastelli disinnat de fàghere intrare a Borriello. Su
giogadore napoletanu, a su de 69 minutos, conduit una grandu dantza
conca a sa porta befende a Claiton e lassende sena ispera a Cordaz: 1-2.
Su Crotone mustrat sas dentes prus de una bia ma de badas. Vitòria de
importu pro su Casteddu.
Formatziones
Crotone: Cordaz, Rosi, Ceccherini, Claiton, Martella; Acosty (60' Nalini), Barberis, Crisetig, Stoian (85' Rhoden); Falcinelli, Trotta (68' Simy). Allenadore: Davide Nicola
Casteddu: Gabriel, Padoin (54' Borriello), Pisacane, Alves, Murru; Isla, Dessena (66' Di Gennaro), Barella, Ionita; Joao Pedro; Sau (75' Capuano). Allenadore: Massimo Rastelli
Gol: 9 Stoian; 31' Joao Pedro; 69' Borriello
