 |
| Deretos ilpartitocomunistaitaliano.it |
Sos comunistas italianos, chi dae pagu
tempus sunt impreende su sìmbulu gutusianu e sa sigla de su partidu de
Togliatti (a pustis de una parèntesi cun s'acrònimu
gramscianu-bordighista Pcd'I), ant disinnadu de si nch'essire dae sa
majoria de tzentru-manca. Traballu, trasportos, istrutzione,
ispopulamentu de sas zonas internas, crisi de sos cumpartos industriale,
agrìculu e pastorale sunt sos «puntos
crìticos e de dissensu» cun sa Giunta Pìgliaru. Fabrìtiziu Anedda, su
consigeri eletu dae su Pdci e sètzidu cun su grupu mistu, nche colat
duncas a s'opositzione. Su Pci de Pepinu Ibba, carchi mese a pustis, at
sighidu sa matessi àndala de sos ex cumpàngios de Sinistra sarda, est a
nàrrere su Prc. Su partidu de Giuanninu Deriu si nche fiat essidu dae sa
majoria in su mese de santugaine mancari su consigeri Lisandru Unale no
aeret chertu abbandonare su grustu. In su mese in pessu coladu sunt
istados sos Ruju Moros de Gesuinu Muledda a si nch'essire. Como est su
Tzentru democràticu chi pedit un'acrarimentu. A Pìgliaru sighint a lu
sustènnere su Pd, su Pds de Maninchedda, Sel Sardegna e su grupu
cristianu-populare-sotzialista. Su grupu mistu est ghiadu dae Gaetanu
Ledda (La Base) ma in intro b'at prus consigeris de opositzione (Pci,
Ruju Moros, Fratelli d'Italia e Uds) chi non de majoria.
