 |
| Deretos lìberos. Url imàgine |
Sa seletzione italiana de fùbalu giogheit su primu disafiu
internatzionale suo (in su 1910 contra a sa Frantza) cun sa màllia arva
ca, galu, sos dirigentes de tando non nche fiat cròmpidos a unu disinnu
definitivu. S'esòrdiu de sas divisas biaitas, pagu prus o mancu comente
las connoschimus oe, acontesseit su 6 de ghennàrgiu de su 1911, in
ocasione de s'amichèvole contra a s'Ungheria. Sebereint su colore
cunforma a su chi tinghiat sos vessillos sabàudos (nât chi su plasma
issoro fiat ruju che a su de sos àteros). Baddu si in su referendum
istitutzionale de su 1946 b'aerent postu finamentas unu cuesitu
cromàticu-isportivu...
