 |
| Imàgine publicada in "Il becco giallo", 22/06/1924 |
«Si totu sas violèntzias sunt su resurtu de unu clima istòricu, polìticu
e morale determinadu, tando mea est sa responsabilidade, ca custu clima
istòricu, polìticu e morale cun megus naschet». Faeddos de Mussolini,
pronutziados in su 1925, in die de oe, in sa Càmera. Gosi su tirannu
fascista si pigheit sa responsabilidade pro sa morte de Giacomo
Matteotti. Su 30 de maju de su 1924 su deputadu sotzialista denuntzieit
sas trampas eletorales de su 6 de abrile. Ma no li lasseint su tempus
pro relatzionare in contu de tangentes petrolìferas. Sas de sa Sinclair
Oil. Su secuestru e sas istocadas fascistas bi l'impedeint.
