 |
| Deretos newsportal.ddns.net URL imàgine |
Cras Istrasburgu s’at a pronuntziare pro su chi pertocat s’arressada de su diàlogu cun Ànkara in contu de intrada turca a s’Unione europea.
«Siat cale si siat s’èsitu de su votu de cras (votu pro cungelare sos negotziados cun sa Turchia nda) pro nois no at a tènnere perunu valore». Sunt faeddos de su presidente turcu, eris in Istàmbul, chi nch’at annantu fintzas àteras crìticas a s’Ue narende chi at dadu sustegnu a Fethullah Gulen e a su Pkk curdu, ambos de màdrighe terrorista, cunforma a su pensu de Erdoğan.
«L’amus naradu e prus chi non naradu chi bi tenimus a sos valores europeos e chi s’Ue pro nois est organismu de vàllia, ma semus dae su 1960 pedende su permissu pro intrare. Sunt agigu tropu 56 annos fintzas si sunt pro intrare a una de sas istitutziones prus marcadas e fortes de su mundu otzidentale», at agiuntu.
E serrende: «Cun nois no ant mantesu mai peruna paràula e peruna promissa. Amus pedidu sa liberalizatzione de sos vistos pro sos tzitadinos nostros, pro nàrrere, ma Bruxelles nos l’at negada, ca nât chi tenimus una normativa contra a su terrorismu tropu serrada e antidemocràtica».
Sa Turchia cun leges antidemocràticas? Non siat chi siat sa fàula, a bias?
