 |
| Deretos The Guardian. Url imàgine |
Eris sos legisladores polacos nch'ant ritiradu su progetu de lege pro s'introdutzione de su dennegu de istrumìngiu. A sa lestra, su parlamentu s'est àpidu inghiriadu dae sas protestas e dae sas manifestatziones de pratza e sa proposta non nch'at coladu su votu.
Lunis a su nessi 100mìgia persones in protesta nch'aiant prenadu sas carreras contra a su disegnu de lege chi previdiat su dennegu belle totale de istrumìngiu. Sa proposta l'at promòvida su partidu cunservadore de dereta Pis. Su “lunis nieddu”, comente l'ant torradu a batijare in Polònia, at tintu a nieddu sas pratzas. Sas fèminas si sunt bestidas a nieddu, poderende in manu cartellos e manifestos cun messàgios craros e detzisos «Su corpus est su meu e nde fatzo su chi chèrgio» o «S'ùteru est su meu e gasi etotu su sèberu». Dae su guvernu ant promìtidu chi non s'ant a firmare e chi ant a chircare una mediatzione pro modificare sa lege, sas fèminas imbetzes, galu arrennegadas, at garantidu chi sas protestas ant a sighire.
