de Lisandru Beccu
In s'amichèvole de oe, in sa friscura de Aritzo, su Casteddu otenet sa de tres vitòrias a fila a pare. Custa borta sos aversàrios fiant sos toscanos de sa Pistoiese.
Sos sardos movent deretu conca a su vantàgiu. A su de tres minutos Di Gennaro medit unu bellu passàgiu traessu pro Pisacane chi, cun sa conca, nche marcat s'1-0. Semper in su primu tempus sos ruju-biaitos ant sa possibilidade de raddopiare, ma sa defensa arantzu sarvat in prus ocasiones.
In su segundu tempus Farias nche marcat su de duos cun unu tiru a filu de terra a su cugione prus a tesu. A su de 77 minutos, imbetzes, su protagonista est Padoin chi conchistat unu tiru de penalidade. Dae su pee de Joao Pedro sa sentèntzia definitiva: 3 a 0.
Casteddu: Storari (67’ Colombo), Pisacane (58’ Deiola), Salamon (46’ Ceppitelli), Capuano, Murru (69’ Krajnc), Padoin, Di Gennaro (78’ Pajac), Ionita (67’ Munari), Joao Pedro, Farias (84’ Tetteh), Sau (46’ Giannetti).
Allenatore: Massimo Rastelli
Pistoiese: Feola (78’ Castellani), Antonelli, Sammartino (84’ Bicchi), Gargiulo (89’ Pandolfi), Priola (89’ Tomaselli), Boni (89’ Romiti), Vassallo, Benedetti (69’ Proia), Mungo (78’ Varano), Colombo (35’ Merini), Rovini.
Allenatore: Gian Marco Remondina
Gol: 3’ Pisacane, 54’ Farias, 77’ Joao Pedro (p.).
