 |
| Fotograma Flightradar24 |
Nch'est caladu a pustis de àere furriadu duas bortas. Sunt custas sas ùrtimas noas chi pertocant s'aèreu de sa cumpangia EgyptAir chi est isparèssidu dae su radar custa note. Fiat mòvidu dae Parigi a sas 23:06 e s’arrivu a Su Càiru fiat previstu a sas 3:15 locales.
S'aparèchiu, cun 56 passigeris e 10 membros de su personale, nch'est caladu de 22mìgia pees cando at operadu duas furriadas improvisas. Mancaiat pagu prus o mancu un'ora a nch'arrumbare sas rodas a terra, in s'aeroportu de Su Càiru. S'aèreu pro seguru nch'est rutu a 130 mìllias dae s'ìsula greca de Karpathos.
Duncas ancora non b'at peruna noa chi pertochet sas càusas. Pro como sas ipòtesis abarrant totus. Cada elementu at a èssere analizadu e in sas dies imbenientes s'at a ischire carchi cosa de prus.
