 |
| Deretos vivicasagiove, Url imàgine |
In intro de su 2017, 313 comunas sardas ant a èssere collegadas cun sa banda ultra-larga. L'at annuntziadu chenàbura a mangianu su presidente de sa Regione Frantziscu Pìgliaru, acumpangiadu dae sos assessores de sos Afares generales e de s'Agricultura.
Sos traballos pro fraigare sas infrastruturas ant a cumintzare in sas chidas imbenientes e ant a pertocare fintzas sas àreas rurales in ue non b'at interessu dae parte de sos operadores privados. In custa manera, ant a èssere garantidos sos matessi deretos a sos tzitadinos chi, sena s'interventu de sa Regione, diant abarrare esclùdidos.
Su progetu de sa banda ultra-larga previdit s'impreu de 56 milliones de èuro (fundos Feasr) e at a pertocare 507.577 tzitadinos e 278.768 domos.
