 |
| Deretos Indipendent. Url imàgine |
In contu de publitzidades e de cartas
geogràficas fìamus abarrados a cando Alitalia si nch'aiat ismentigadu
sa Sardigna. Un'ofesa, nargeit calicunu. «Sardigna no est Itàlia»
replicheit calicunu àteru. Ma si su produtu de publitzizare est sa Coca
cola e si is natziones interessadas sunt sa Rùssia e s'Ucràina, beh,
tando su trèulu est agighigheddu prus mannitu.
Su colossu
americanu, pro Nadale, at difùndidu un'imàgine alleriadora de sa terra
de su zar. Càrriga de nie, cun is arvureddas, ma sena Kalilingrad, is
ìsulas Curili. E mescamente sena sa Crimea chi, a pustis de su
referendum pro s'indipendèntzia dae Kiev de su 2014, nch'est colada suta
su controllu de Mosca. Mai dd'aerent fatu! Grandu abolotu dae banda de
is russos. Agighigheddu prus mannitu, comente fìamus narende, de su de
is sardos pro Alitàlia. «Perdonade·nos, sa cartina dd'amus mudada». Russos cuntentos mannos!
Mai
dd'aerent fatu custu puru! S'Ucràina, difatis, non reconnoschet su
passàgiu de sa Crimea a sa Rùssia. E Coca cola at dèvidu pedire torra
iscusas. «Non sustenimus perunu movimentu o partidu polìticu. S'obietivu nostru est su de prodùere bèvidas de calidade».
A sa segura Coca cola dêt àere pensadu chi cun s'Unione soviètica totu custu trèulu non bi diat èssere istadu.
