de Màuru Piredda
 |
| Deretos Regione autònoma de Sardigna |
Sa Giunta regionale at aprovadu sa delìbera pro adotare su Pranu energèticu ambientale regionale de Sardigna (Pears). «S'acumprit aici - a cantu leghimus in sa nota de imprenta ufitziale - un'iter comintzadu cun s'insediamentu de s'esecutivu. Su Pranu disinnat unu modellu nou pro s'ìsula, finas a su 2030». Is obietivos nât chi sunt is de menguare «is emissiones de Co2 assotziadas a is consumos», e «is costos de is bulletas pro is tzitadnos». Ma finamentas is de «rèndere prus cumpetitivas is impresas» e de «favorire s'ocupatzione».
Comente? Cun su «passàgiu dae unu modellu tzentralizadu a unu distribuidu, integradu, interconnètidu e sustenìbile» (prevìdidas is "smart grid" e is "ìsulas energèticas"), cun sa «metanizatzione», cun su «rispàrmiu energèticu» e cun sa «gestione integrada»
intre Regione e Comunas. Totu nch'intrat in sa lògica de is obietivos
internatzionales pro menguare is livellos de incuinamentu.
Ma si faeddat fintzas de «transitzione». Duncas, a su presente, non s'at a renuntziare a is fòssiles, est a nàrrere a su carbone e a s'ògiu combustìbile. Ma unu contu est a impreare is impiantos esistentes in intro de unu perìodu transitòriu. Àteru contu est a prevìdere impiantos noos comente sa tzentrale noa a carbone chi Eurallumina cheret fraigare in Portovesme. Contra a custa possibilidade s'est espressadu su Grupu de interventu giurìdicu ca nât chi «cajonat emissiones ulteriores de Co2 e de àteros elementos chi non megiorant sa calidade de s'àera e de is àteras cumponentes ambientales» interessende «sa salude pùblica».
Ma si faeddat fintzas de «transitzione». Duncas, a su presente, non s'at a renuntziare a is fòssiles, est a nàrrere a su carbone e a s'ògiu combustìbile. Ma unu contu est a impreare is impiantos esistentes in intro de unu perìodu transitòriu. Àteru contu est a prevìdere impiantos noos comente sa tzentrale noa a carbone chi Eurallumina cheret fraigare in Portovesme. Contra a custa possibilidade s'est espressadu su Grupu de interventu giurìdicu ca nât chi «cajonat emissiones ulteriores de Co2 e de àteros elementos chi non megiorant sa calidade de s'àera e de is àteras cumponentes ambientales» interessende «sa salude pùblica».
