 |
| Deretos Mos. Url imàgine |
«S'omosessualidade si podet manifestare in sa primu fase de sa vida de una pessone (est a nàrrere a pitzinnia e in s'adolescèntzia) ma sa maturidade sessuale si nch'acumprit petzi in s'eterosessualidade». A su chi narant unos cantos istudiantes de su litzeu clàssicu tataresu (s'Azuni), custas sunt is paràulas de munsennore Atzei, pronuntziadas su 19 de su mese in pessu coladu in ocasione de sa bìsita pastorale sua.
A pustis de custu interventu, is istudiantes nch'aiant imbiadu "a is
amigos de su Borderline", in sa chida colada, una lìtera in ue si
faeddat de «impuntza a sa discriminatzione» dae banda de s'archipìscamu. «Aìamus pensadu - at naradu Bàrbara Tetti de su Movimentu omosessuale sardu -
de non dda bogare a craru, sa chistione, e a ddi pedire un'addòbiu
"acontzadore" a su Prèside. Ma a pustis de is ùrtimas polèmicas amus
disinnadu de intervènnere. Is istitutziones religiosas ant is ispàtzios
issoro pro addòbiare a chie si siat».
Duncas, pro su Mos, perunu òmine de crèsia (siat issu pìscamu, imam o rabinu) diat dèpere intrare a iscola.
Semper
a su chi narant is chi nch'ant imbiadu sa lìtera a su Mos, Atzei at
finamentas cundennadu is adotziones dae banda de is còpias omosessuales:
«Non semus chistionende de s'adotzione de unu catzeddu». «Addòbios che a custos - ant naradu is istudiantes interessados - sunt
diseducativos e finamentas perigulosos e dannàrgios. Ingendrant
inseguridade e timòrias in chie chircat de cumprèndere e de atzetare
s'orientamentu sessuale suo».
