 |
| Deretos, Ansa/Epa. Url imàgine |
Sa Rùssia - est noa de custa borta de die - at suspesu su regime de
vistu lìberu cun sa Turchia. L'at dadu a intèndere Serghiei Lavrov, su
ministru russu de sos raportos cun s'èsteru. Est a nàrrere, torra
passaportu, torra controllos istrintos in sas fronteras, sos aeroportos,
sas istatziones.
Galu, duncas, prus tensione e regressu. Raportos
diplomàticos torrados belle a su nudda, a pustis de s'abbatimentu de
s'aèreu militare, cun su presidente turcu Recep Tayyip Erdoğan, chi minetzat: «sa Rùssia non brullet cun su fogu!». E Putin, a s’àtera ala, chi refudat cale si siat forma de diàlogu cun Erdoğan. Fintzas a cando «no at a pedire iscusas formales»,
at decraradu oe su presidente russu.
In tantu si prospetat un'addòbiu,
intre sos duos presidentes prus discussos de su momentu, in Parigi. In
ocasione de sa Cunferèntzia mundiale pro su clima.
