 |
| S'imàgine remòvida |
«Ama is àteros che a tie matessi. Bastis chi siat galanu e de s'àteru sessu».
Est s'islogan chi at acumpangiadu oe, in Facebook, una publitzidade de
is cornetos Melegatti lassende aturdidos is utentes de sa rete sotziale
chi ant faeddadu de omofobia.
S'azienda veronesa de durches at dèvidu
mudare in presse sa fràsia criticada (ponende a pustis «Bastis chi siat galanu e de su sessu chi boles»). E deretas sunt cròmpidas is iscusas. «Sa gestione de sa comunicatzione in is retes sotziales - podimus lèghere in unu comunicadu ufitziale - est
afidada a un'agentzia esterna chi at publicadu sena s'autorizatzione
nostra. Nos dissotziamus dae s'operadu de custa agentzia chi, naturale,
at pèrdidu s'incàrrigu e pedimus iscusas a manera formale a chie si siat
s'intendat ofesu».
