 |
| Schrems, a sa sola, in sa Corte europea. Deretos Ansa |
A sa sentèntzia, sa prima de custu tenore, sa Corte nch'est cròmpida
custu mangianu. Dae como in susu, cale si siat utente europeu at a
pòdere impedumare chi su situ sotziale prus famadu e impreadu de su
mundu, potzat servare in sos Istados unidos sos datos personales
regòllidos in rete dae s'Europa.
Sa Corte europea at invalidadu duncas
su decretu de sa Cummissione europea de su 2000, in ue susteniat chi sos
Istados unidos fiant prus chi non seguros servende sos datos personales
de totu sos utentes. Su vetu no at a bàlere pro Facebook ebbia, ma
fintzas pro cale si siat prataforma mediàtica e pro totu sas aziendas
chi collint sos datos personales de sos iscritos issoro. Finas a oe
fiant in vigore sos printzìpios de su Safe Harbor, un'acordu
cummertziale de su 2000, in ue si previdiat chi sas aziendas americanas
poderent impreare su matessi istandard de amparu de sos datos
personales, siat pro sos Istados unidos, siat pro s’Europa.
Maximilian Schrems, istudiante austrìacu de giurisprudèntzia, non fiat de acordu e aiat presentadu, in su 2011, sa denùntzia sua contra a Facebook a sa Corte suprema de giustìtzia, in Irlanda. Paisu in ue, pròpiu a cajone de su Safe Harbor, sos datos personales europeos sunt servados isetende su trasferimentu a sos Istados unidos. L'aiat presentada in pessu essidu a campu s'iscàndalu Nsa. Su de su programma de bardiamentu impreadu dae s'Agentzia americana pro sa seguresa natzionale e bogadu a pìgiu dae Esward Snowden, ex tècnicu de sa Cia. Ma sa Corte irlandesa bi l'aiat respinta faghende issa matessi unu recursu a sa Corte europea. Su restu est contu de oe. Una sentèntzia istòrica, echilibrada, balente e ùnica.
Maximilian Schrems, istudiante austrìacu de giurisprudèntzia, non fiat de acordu e aiat presentadu, in su 2011, sa denùntzia sua contra a Facebook a sa Corte suprema de giustìtzia, in Irlanda. Paisu in ue, pròpiu a cajone de su Safe Harbor, sos datos personales europeos sunt servados isetende su trasferimentu a sos Istados unidos. L'aiat presentada in pessu essidu a campu s'iscàndalu Nsa. Su de su programma de bardiamentu impreadu dae s'Agentzia americana pro sa seguresa natzionale e bogadu a pìgiu dae Esward Snowden, ex tècnicu de sa Cia. Ma sa Corte irlandesa bi l'aiat respinta faghende issa matessi unu recursu a sa Corte europea. Su restu est contu de oe. Una sentèntzia istòrica, echilibrada, balente e ùnica.
Unu provedimentu giurìdicu chi at a
lassare duncas una marca dèghida pro su venidore in contu de riservadesa
e de tratamentu de sos datos. A dae chi, segundu sa Corte europea,
s'acordu Safe Harbor non si nche podet colare a subra de sa
giurisditzione de sos sìngulos istados membros de sa UE. Duncas sa
norma pro servare in logu seguru sos datos sensìbiles e chi 15 annos a
oe aiat tzertificadu, ufitzializende·los, sos raportos de cunfiàntzia
intre Bruxelles e sos Istados unidos, non tenet prus perunu valore. Siat
pro resones tècnicas, siat pro resones istòricas sa Corte europea
nch'at derrutu su muru burdu de farsidade e de ipocrisia, ponende in
discussione su matessi fundamentu chi pertocat cada atividade de sa Silicon Valley. Atividades chi cun sos datos sensìbiles pròsperant e si faghent a mannas.
«So cuntentu mannu pro comente s'est pronuntziada sa Corte - su cummentu de Schrems in foras dae s'àula - ispero
chi potzat èssere unu puntu firmu pro totu su chi pertocat sa
riservadesa de sa pessone mescamente in s'impreu de sos mèdios
informàticos. Sa sentèntzia at acraridu prus chi non bene unu fatu
fundamentale: su bardiamentu massivu vìolat sos deretos fundamentales de
s'òmine. Unu disinnu epocale ca sutalìneat chi fintzas sos guvernos e
sas impresas dae como in susu s'ant a dèvere atènnere a sa lege e
aplicare·la».
Satisfata finas Monique Goyens, diretore generale de su sòtziu consumadores europeos (Beuc): «Est unu messàgiu craru e forte. Sas leges subra de sa riservadesa devent èssere rispetadas e aplicadas. Finas si sas impresas chi càrrigant, manìgiant e amparant sos datos, tenent sa sede legale in sos Istados unidos. Si Facebook e àteras impresas nche cherent sighire a imbiare datos sensìbiles a cudda ala de s'atlànticu, s'ant a dèvere cunformare a custa sentèntzia istòrica».
Satisfata finas Monique Goyens, diretore generale de su sòtziu consumadores europeos (Beuc): «Est unu messàgiu craru e forte. Sas leges subra de sa riservadesa devent èssere rispetadas e aplicadas. Finas si sas impresas chi càrrigant, manìgiant e amparant sos datos, tenent sa sede legale in sos Istados unidos. Si Facebook e àteras impresas nche cherent sighire a imbiare datos sensìbiles a cudda ala de s'atlànticu, s'ant a dèvere cunformare a custa sentèntzia istòrica».
