de Maurìtziu Sale
 |
| Deretos El colombiano.com. Url imàgine |
Su cunflitu prus antigu de s'Amèrica latina, su intre s'Istadu colombianu e sos gherrilleris de sas Farc, sas Fuerzas Armadas Revolucionarias de Colombia - Ejército del Pueblo (grupu
de màdrighe marxista-leninista bolivariana reconnotu finas dae s'Onu
comente fortza gherrillera e non terrorìstica, comente imbetzes
pretendiant sos Istados unidos, cando nche l'aiant incruidu in sa lista
niedda issoro nda), est destinadu a isparèssere «intro de su 23 de Martzu de su 2016».
L'at afirmadu su presidente colombianu Juan Manuel Santos, a pustis de
èssere andadu a La Habana pro l'istrìnghere sa manu a Timoleòn Jiménez,
alias Timochenko, su cabu de sa gherrìllia, e pro firmare
un'acordu chi poderet garantire a sas Farc unu tratamentu de favore in
casu b'apat ismobilitatzione o disarmu. Su momentu est istadu dìligu,
istòricu finas e at ingendradu prus de una reatzione intre sos parentes
prus istrintos de sas vìtimas.
Si podiat prus chi non cumprèndere a dae
chi subra de sa conca de Timochenko - giai cundennadu a 178 annos
de presone grae - b'at pendèntzias pro nessi àteros 117 òrdines de
arrestu. S'acordu cun su grupu chi dae su 1964 tenet suta de su
controllu suo regiones intreas de su Paisu, previdit s'amnistia pro sos
delitos minores. Pro su chi pertocat imbetzes sos crìmines contra a
s'umanidade o su genotzìdiu, sas penas - alternativas a sa presone - ant
a èssere de oto annos màssimu.
«In fines, a pustis chi fìamus prus de un'annu firmos sena perunu resurtadu, nche semus cròmpidos a sa paghe cun tantu de firma - su 23 de su mese de Cabudanni - subra de unu patu». Sunt paràulas de Enrique Santos, frade de su presidente. Òmine chi - sena peruna duda - at tentu in su negotziadu unu ruolu determinante, si leghet in su cuotidianu El Tiempo.
«In fines, a pustis chi fìamus prus de un'annu firmos sena perunu resurtadu, nche semus cròmpidos a sa paghe cun tantu de firma - su 23 de su mese de Cabudanni - subra de unu patu». Sunt paràulas de Enrique Santos, frade de su presidente. Òmine chi - sena peruna duda - at tentu in su negotziadu unu ruolu determinante, si leghet in su cuotidianu El Tiempo.
In sas pàginas de Metro, giornale in lìnia chi tenet prus de 17milliones de letores in totu su mundu, su presidente tenet s'atinu chi «cale si siat acordu firmemus cun sas Farc, dae oe a ses meses at a èssere sutapostu a referendum».
Tocat de nàrrere - si leghet imbetzes in Perfil,
cuotidianu argentinu - chi un'agiudu mannu, unu ruolu detzisivu,
comente pro s'acordu intre Cuba e Iua, l'at giogadu finas su Paba. Sena
s'apretu de Bergòglio - chi pròpiu dae La Habana in su mese de Cabudanni
in pessu coladu, aiat dadu a intèndere, cun un'apellu acoradu, chi
finas in Colòmbia deviat torrare sa paghe - nen Santos, nen Timochenko nche diant èssere cròmpidos a neddue. A sa segura non si diant àere istrintu sa manu leende·si impinnos gosi mannos.
