de Màuru Piredda
_-_Refugees_are_human_beings.jpg) |
| Una manifestatzione de su 2013 - Wikimedia |
Ddoe at un'Europa de ghias polìticas chi si
sapint de su dramma de custos tempos a pustis de àere bidu una
fotografia (David Cameron nât chi s'est commòvidu che a unu babbu). De
prus, ddoe at un'Europa chi detzidet de non detzìdere (su summit de eris
intre is ministros de is afares èsteros no est cròmpidu a neddue). In
fines ddoe at un'Europa chi diat bòlere abèrrere is cantzellos de sa
fortilesa sua narende chie podet intrare e chie nono.
Sa diretora noa de
su Consìgiu italianu de is refugiados (Cir), Fiorella Rathaus, at postu
in sa mesa unas cantas dudas pro su chi pertocat s'idea de
s'acollièntzia seletiva giuta a dae in antis dae sa Germània: «Est
difìtzile a aplicare unu modellu de seletzione de sèrie A e de sèrie B
cunforma a pessones chi tenent is matessi deretos. Dae su puntu de
annotu de su deretu internatzionale una lista de is paisos seguros diat
èssere unu passu a dae segus. Pro sa cunventzione de Ginevra chie si
siat podet èssere vìtima de persecutzione e, duncas, meritòriu de
amparu». Duncas, non is sirianos ebbia.
