de Màuru Piredda
Mai l'aeret fatu “La Stampa” a cumpartzire in Facebook una noa sua in pitzu de una pitzoca rom inglesa chi paret siat prus abista de Einstein (nât chi ddi nch'at coladu su cuotziente intelletivu crompende a 162 puntos). Deretos is cumentos de unos cantos letores apartenentes a àteras duas comunidades: sa de is “deo non so ratzista ma...” e sa de is“nos nche furant peri s'intellighèntzia”. Su chi “La Stampa” at fatu a pustis est, però, galu mègius.
 |
| Anja Reschke - spielmann-foto.de |
Mai l'aeret fatu “La Stampa” a cumpartzire in Facebook una noa sua in pitzu de una pitzoca rom inglesa chi paret siat prus abista de Einstein (nât chi ddi nch'at coladu su cuotziente intelletivu crompende a 162 puntos). Deretos is cumentos de unos cantos letores apartenentes a àteras duas comunidades: sa de is “deo non so ratzista ma...” e sa de is“nos nche furant peri s'intellighèntzia”. Su chi “La Stampa” at fatu a pustis est, però, galu mègius.
Su giornale torinesu at disinnadu de avisare is letores suos cun pagas e craras paràulas: «No amus peruna idea de bajulare cumentos che a custos in sa pàgina nostra». Cuntenta manna s'Efj, sa federatzione europea de is giornalistas. Su segretàriu generale suo, Ricardo Gutiérrez, at naradu chi «is giornalistas tenent sa responsabilidade ètica pro cuntrastare messàgios e cumentos discriminatòrios e ratzistas».
Ddoe at de nàrrere chi, bortas medas, sunt is giornales a agiuare custu fenòmenu. Comente? Finamentas fraighende tìtulos chi andant contra a is inditos de sa Carta de Roma. Meledemus agigu in pitzu de is tìtulos chi favoressent una pertzetzione ischemàtica de s'istràngiu: pedulianu, ladru, mortore, delincuente etc.
Pagas dies in antis de s'initziativa de “La Stampa”, una giornalista tedesca (Anja Reschke de sa tv regionale pùblica Ndr) aiat atacadu publicamente custa genia de cumentadores. At a èssere chi s'at pesende unu bentu nou? Nois ischimus chi “est pretzisu bentulare”.
