de Màuru Piredda
Disacatu ambientale e gestione de refudos no autorizados e perigulosos
pro s'atmosfera e sa falda acuìfera. Pro custos motivos tres dirigentes
de sa Syndial de Portu Turre sunt indagados dae sa Procura de sa
Repùblica de Tàtari.In sa discàrriga abusiva de Minciaredda (serente a s'ex petrolchìmicu de sa tzitadina turritana) ddoe at essidu a pìgiu «metallos e cumponentes chìmicos, peri cantzerògenos, in cantidade superiore a is lìmites de lege». Su 31 de làmpadas coladu, is carabineris de su Nùcleu operativu ecològicu aiant esecutadu su secuestru de su “setore C” de s'àrea industriale: bator ètaros destinados a s'allogu de rusùgios derivados dae sa produtzione de àtzidu solfòricu. S'atividade de controllu de su Noe est mòvida a pustis de unu controllu de is agentes de su corpus forestale e e de vigilàntzia ambientale.
