de Màuru Piredda
Chenàbura colada, in su bidditzolu de Nabi Saleh (Tzisgiordània), ant
arrestadu a Vittorio Fera, 31enne ativista italianu de s'International
Solidarity Movement (sa matessi Ong de Vittorio Arrigoni). Fera, paris
cun àteros, aiat leadu parte a una protesta contra a s'espansione de is
colònias israelianas.
Nudda de nou (ca in Nabi Saleh protestant cada chenàbura dae su 2009, semper cun sa matessi motivatzione), francu duos episòdios. In su primu essit a campu totu s'aggressividade de unu sordadu israelianu contra a unu pitzinnu de 12 annos cun su bratzu ingessadu. Càstia su vìdeu.
Sa segunda est sa chi pertocat
s'ativista italianu, arrestadu cando fiat filmende s'atzione de su
sordadu (e sa reatzione òvia de fèminas e pitzinnos palestinesos in
cherta de nche liberare su pitzinnu a mossos e ràfias).
Sa versione de s'esèrtzitu de Tel Aviv est chi Fera fiat iscudende pedras contra a is sordados. Est noa de oe chi Fera est torra lìberu (gràtzias a una cautzione), ma is indàgines ant a sighire finas a s'8 de cabudanni
