de Màuru Piredda
Adiconsum, Cittadinanzattiva, Federconsumatori, Unione consumatori e
Movimento difesa del cittadino ant ammaniadu custu mangianu una
cunferèntzia de imprenta pro chistionare de su problema de is distacos
chi interessant is utentes plurimorosos.
Cara a s'interrutzione de is
fruniduras ìdricas prevididas pro 1200 clientes in intro de su 4 de
austu, is chimbe sòtzios ant propostu, pro su mese imbeniente, una
suspensione generale: «sunt provedimentos chi non si podent atzetare
in unu perìodu che a custu in ue tribunales, avocados e commissiones de
contziliatzione no ant a èssere ativos».
Is sòtzios timent chi,
intre fèrias e pràticas arretradas, nche potzat colare tempus meda
lassende is utèntzias sena abba finas a su riprìstinu de sa frunidura.
