Cun sa de eris in s'Olìmpicu de Roma, su
Casteddu nche crompet a chimbe derrutas in 10 garas. Bator in domo
angena, una in su Sant'Elia (sa de domìniga in pessu colada contra a sa
formatzione morada de sa Fiorentina). Sa Lazio at mantesu s'àndala
istatìstica sua binchende sa de ses partidas in fila a pare contra a sos
nostros. Ma sos nùmeros comintzant a èssere conchitostos finamentas pro
su chi pertocat sa classìfica atuale. E meressent
un'analizu fundudu pro chi sos ruju-biaitos torrent in possa pro si
garantire una mègius positzione e una mègios prospetiva istajonale.
Sas francas de s'àbbila arvu-tzeleste comintzant a rafiare sa defensa
sarda deretu, dae sos primos minutos. A su de ses su gol de Keita: tiru
traessu de Lulic e bòlide cun su pee destru chi fulminat a Storari. Su
Casteddu proat a reagire ma su bonu de sas atziones sunt de sos
latziales chi, a pustis de un'ocasione pro Borriello, balàngiant unu
tiru dae sos 11 metros: Ceppitelli buscat una targhita ruja; Immobile (a
su de 23) marcat sena oriolos. Nche colant petzi 4 minutos e sa Lazio
nche crompet a su 3-0: Immobile, torra issu, non perdonat. Nointamen
tres ocasiones pro su Casteddu (cun Borriello, cun Melchiorri e cun
Tachtsidis) su primu tempus mustrat a sos presentes su domìniu romanu.
Mùsica simigiante in sa segunda fase de giogu cun sos nostros chi non bi resessint a concretizare sas atzione issoro. Borriello non paret a tretu de fèrrere e, a pustis de su fallu de Keita subra de Melchiorri, non marcat mancu su rigore. Rastelli nche lu bogat (faghende intrare a Giannetti) a su de 75 minutos. Nche nde colant àteros tres e sa Lazio crompet a sa de bator marcaduras: Anderson si nche papat totu sa defensa; nudda podet fàghere Storari. Sa menduledda pro su Casteddu a bator minutos dae s'acabbu cun s'autogol de Wallace a pustis de unu tiru dae su cugione.
Formatziones
Lazio: Marchetti; Patric, Wallace, Hoedt, Radu; Parolo (66' Murgia), Cataldi, Lulic (81' Moritz Leitner); Felipe Anderson, Immobile (72' Lombardi), Keita. Allenadore: Simone Inzaghi
Casteddu: Storari; Bittante, Ceppitelli, Alves, Murru (67' Capuano); Isla (55' Dessena), Tachtsidis, Padoin; Barella; Borriello (75' Giannetti), Melchiorri. Allenadore: Massimo Rastelli
Gol: 6' Keita; 23' e 27' Immobile; 78' Anderson; 87' Wallace (autogol)
Mùsica simigiante in sa segunda fase de giogu cun sos nostros chi non bi resessint a concretizare sas atzione issoro. Borriello non paret a tretu de fèrrere e, a pustis de su fallu de Keita subra de Melchiorri, non marcat mancu su rigore. Rastelli nche lu bogat (faghende intrare a Giannetti) a su de 75 minutos. Nche nde colant àteros tres e sa Lazio crompet a sa de bator marcaduras: Anderson si nche papat totu sa defensa; nudda podet fàghere Storari. Sa menduledda pro su Casteddu a bator minutos dae s'acabbu cun s'autogol de Wallace a pustis de unu tiru dae su cugione.
Formatziones
Lazio: Marchetti; Patric, Wallace, Hoedt, Radu; Parolo (66' Murgia), Cataldi, Lulic (81' Moritz Leitner); Felipe Anderson, Immobile (72' Lombardi), Keita. Allenadore: Simone Inzaghi
Casteddu: Storari; Bittante, Ceppitelli, Alves, Murru (67' Capuano); Isla (55' Dessena), Tachtsidis, Padoin; Barella; Borriello (75' Giannetti), Melchiorri. Allenadore: Massimo Rastelli
Gol: 6' Keita; 23' e 27' Immobile; 78' Anderson; 87' Wallace (autogol)
