 |
| Aeroportu de Bruxelles. Deretos euronews.com, Url imàgine |
Sa commissione parlamentare at bisitadu s'istatzione de sa metropolitana de Maelbeek, in Bruxelles, serrada unu mese a como pro sos atentados chi ant causadu 32 mortos e 300 feridos.
Sos parlamentares ant collocadu una corona de frores in s'intrada e sunt intrados a bìdere s'avantzamentu de sos ùrtimos traballos de restàuru. Una bìsita a ghennas tancadas. Sa metropolitana at a torrare a abèrrere lunis.
Sa commissione est torrada fintzas a s'aeroportu de Zaventem, in ue si fiant fatos esplòdere duos atentadores. Sa sala printzipale no est ancora pronta, difatis sas operatziones de imbarcu si faghent in unu salone provisòriu.
