 |
| Deretos lìberos, URL imàgine |
Cun una nota de imprenta sa cumpangia irlandesa at cunfirmadu sa presèntzia sua in Sardigna fintzas pro s'annu chi benit. In sas dies coladas sos giornales natzionales e regionales aiant faeddadu de abbandonu, ma sa risposta de su vetore a prètziu bàsciu est arribada a sa lestra: “Sa programmatzione de sa Ryanair pro s'istiu de su 2016 est a disponimentu. Non bi semus nemmancu pensende a lassare sa Sardigna e no amus a intervènnere in su chi pertocat sas noas farsas chi ant postu in giru custas dies”.
Sas boghes sena fundamentu chi nch'ant brincadu dae una rete sotziale a s'àtera, ant postu in birbìllios mìgias de pessones chi, pro carchi momentu si sunt intesas presoneras in intro de s'ìsula issoro. S'arriscu de non pòdere fàghere prus biàgios de andada e torrada gastende petzi 40 o 50 èuros at assustadu, e non pagu, sos amantiosos de su “trolley” chi, in custos annos, ant pòdidu iscobèrrere una parte disconnota de s'Europa.
